Jérémi 44:13 - Kazambale lé Sebe Sauunu 1979

¹³ Munu lé woo nyanaan Éjipiti tɛrɛ la, maa dan we lɛdɔ lɛ wo gi bélé fɛan zo lé an we lɛdɔ Jérusalɛm munu gi, gwɔun koo, lɔrɔ koo, bawuruma gyɛ koo, wo nya, a zo.

Jérémi 44:13 ပူးပေါင်းရင်းမြစ်များ

Jérémi 11:22

Gakelebale lé wo lɛ léma: Ka ye, maa dan we lɛdɔ lɛ wo gi; pɛniɛnu é dan ga lɛ gwɔun lee; wo benu valé wo lunu é dan ga lɛ lɔrɔ lee.

Jérémi 21:9

Mian éé voo fla ’ko ta, é dan ga lɛ gwɔun lee, dé ’bɛ kaan lo, lɔrɔ lee; dé ’bɛ kaan lo, bawurumagyɛ lee. Naa, mian é bɔra yé é go Kaldé munu lé wo ke kalé fla mabɛnna bɛ, wo va, é dan vo lɛ é yuɛma, yé alé gulizarafɛ lé ke léé, é so ga lee.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 42:15

Dé ka fe a zo, ’kaa Juda munu lé ka vo, ’ka tɔné dɔ Gakelebale dére lɛ. Lai sunyanu lé Gakelebale, Izraɛl lé Bale léma: Dé ka yara nɔla gole we ma Éjipiti tɛrɛ la, dé ka go nyana lɛ ana,

Jérémi 42:16

gwɔun lé ka kanaan a lee, é dan bɔ lɛ ka ma Éjipiti tɛrɛ ’ko la. Lɔrɔ lé ka kanaan a lee, é dan bɔ lɛ ka ma Éjipiti tɛrɛ la, yé ka dan ga lɛ ’bɛna.

Jérémi 42:17

Munu faa lé wo yara nɔla yé wo go Éjipiti tɛrɛ la nyanale ’bɛna we ma, wo dan ga lɛ, dé gwɔun léé, dé lɔrɔ léé, dé bawurumagyɛ léé, a nya. We tɔntɔnnu lé maa dan a bɔ lɛ wo ma bɛ, wo va mi do kpen ’ka dan so lɛ a ta lo, wo ’ka dan fwi lɛ a ’lɛ lo.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 43:11

É dan da lɛ yé é dan Éjipiti munu bla lɛ; munu lé wozé ke ga nya, ’wo ga ma, munu lé wozé ke luubale nya, ’wo kɛlɛ luubale gi ma, yé munu lé wozé ke gwɔun nya, ’wo wo gyɛ gwɔun nya ma.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.