Jérémi 44:10 - Kazambale lé Sebe Sauunu 1979

¹⁰ Fɔɔ yi ’ko nya wo ’ka wobo kɛlɛ lɛ kiéné lo, wo ’ka kana lɛ an lee lo, yé anlé bélidɔwe sɔnnénu lé maa wo fe ka valé ka tranu lɛ, ka ’ka wo pa lɛ lo.

Jérémi 44:10 ပူးပေါင်းရင်းမြစ်များ

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinmunu lé Wezuofe Sɛbɛ 32:26

Yé Ézékia daan élé boblɛn ma, yé yee valé Jérusalɛm munu wobo kɛlɛ kiéné. Yé Gakelebale ’ka we kɛlɛ lɛ wo lɛ é bliflile nya Ézékia zé bléyi va lo.

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Lɛrɛvɔ Sɛbɛ 78:10

Wo ’ka Bale lé gipawe tawe kɛlɛ lɛ lo, Yé wo sɔn vɔ alé bélidɔwe ta tawole ma.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 9:17

Dé i nwa ’élé munu ma é ziin, dé i ’ka daan wo ma ’wo go lo,

Fwile 9:30

Naa, maa gi dɔɔ léé, bii valé i wuozannu ’ka dan kana lɛ Gakelebale lee tan lo.

Wegɔnévɔlenu 14:16

Wedɔɔzan éé kanaan, yé éé sɔn vɔa wenaané ma, naa, ’tugyɛzan é ébo kɛla blɛn yé é a a gi léé, we ’ka kɛla ’é lɛ lo.

Wegɔnévɔlenu 16:6

Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 28:14

Mi lé éé kanaan yifaama a gi éé nanaan. Naa, mi lé é bli dɔ plɛplɛ we tɔntɔn éé bɔa a ma.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 42:24

De ɛ Jakɔb nɔ léé, wo ’wii alé fɛ taa? De ɛ Izraɛl pa ’wiiéfɛtazannu lee? Gakelebale kaan loo? Ko wenyané kɛlɛ a ma. É ’ka sɔ lɛ ko lɛ léé, ko alé zi ta tawo lo, Ko ’ka tɔné dɔ lɛ alé bélidɔwe lɛ lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Jérémi 26:4

Bé fe wo lɛ léma: Gakelebale léma: Anlé bélidɔwe lé maa a pla ka ’lɛ léé, ’ka a ta tawo, dé ka ’ka ka tɔné dɔ lɛ an lɛ lo,

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 36:24

Minwiinzan blɛn valé é wuozannu faa lé wo we ’konu ’ma, é ’ka kana zén lɛ wo gi lo; wo ’ka wolé sɔnu fia lɛ lo.

Jérémi 44:23

Ka lasikɔrɔpo kyɛ ble, yé ka wenyané kɛlɛ Gakelebale ma; ka ’ka ka tɔné dɔ lɛ Gakelebale dére lɛ lo; ka ’ka tawo lɛ alé bélidɔwenu koo, a déretawenu koo, alé weplalenu koo, wo ta lo, amalé we tɔntɔn ’konu bɔ ka ma, ka a yé kyɔ fɛan zo, a zo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 6:15

Gakelebale léma: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo nya, yé dé maa a we lɛdɔna wo gi bléyian va, wo guru é dan zana lɛ a gi.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 27:54

Sunyayɔsoru ’lɛzan valé munu lé wo ke a va yuɛ pana Jézu ta, dé wo tɛrɛ ma nyɔɔnle ye, é valé we lé é bɔ bɛ, a nya, wo gi nyɛ blɛn kini yé wo léma: Mi ’ko a Bale Be nya webozen nya.

WENÉNÉ LÉ LUK A GYE (Évangile selon Luc) 23:40

Naa, a bɔluzan we pla a lɛ léé: Bii lé wo ga duo dɔ i nwiin ’naan, i ’ka kanaan Bale lee loo?

Rom munu 11:20

’Bɛ a webozen nya; wo ’ka wo bli pa lɛ lo, amalé wo wo bɔi yé bii a é dɔle blipale nya. Té ibo kɛlɛ blɛn lo ma; ’i kana.

1 Piɛri 5:6

’Kabo kɛlɛ kiéné Kazambale bɛ plɛplɛ wuo, yé dé a bléyi bɔ yé Kazambale ’é ka kɛlɛ blɛn;

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.