Jérémi 43:6 - Kazambale lé Sebe Sauunu 1979

⁶ gɔnénu koo, lomu koo, nénu koo, minwiinzan blɛn lunu koo, munu faa lé sunyanu nwiinzan Nébuzaradan wo vo Safan be Asikam be Gédalia lee, wo koo, balelayezan Jérémi koo, Nérija be Baruk koo, woo lé wo wo si.

Jérémi 43:6 ပူးပေါင်းရင်းမြစ်များ

Jérémi 38:22

Lomu faa lé wo vo Juda nwiinzan blɛn lé kɔn gi, wo dan go lɛ wo nya Babilɔn nwiinzan blɛn lé zilɛzannu va, yé yee lomu wo dan i tɔ vɔ lɛ lɛrɛ nya yé wo léé: Munu lé wo vole drɔɔ lé we fe i lɛ bɛ, wo dabli kɛlɛ i lɛ, wo pla i nwiin yé dé we bɔ i ma bléyian va, wo nwunzi dɔ i la.

Jérémi 39:10

Naa, munu lé wo ke nyanégyɛzannu nya, ’té fɛ do kpen ’ka wo lee lo, sunyanu nwiinzan Nébuzaradan bɛnu vo ana yé é dɔrɔféinu valé féinu nɔ wo lɛ.

Jérémi 40:11

Juifinu faa lé wo ke Moab valé Édom tɛrɛ la koo, wo lé wo ke Amɔn munu va koo, wo lé wo ke tɛrɛ bɛnu ta koo, wa ’ma léé, Babilɔn nwiinzan blɛn mi kenu vo Juda tɛrɛ la, yé é Safan be Asikam be Gédalia dɔ wo nwiinzan nya.

Jérémi 40:7

Juda sunyanu lé wo ke tɛrɛ tabinna, wo valé wo ’lɛzannu a ’ma léé, Babilɔn nwiinzan blɛn Asikam be Gédalia dɔ wolé tɛrɛ nwiinzan nya, ’té munu koo, lomu valé nunukénénénu koo, é wo bɛ pa a lee, ’bɛ valé tɛrɛ la nyanégyɛzannu lé wo ’ka go lɛ wo nya luu gi Babilɔn tɛrɛ la lo, wo nya.

Jérémi 41:10

Yé munu faa lé wo vo Misipa, Ismaɛl wo si luu nya; minwiinzan blɛn lunu koo, munu lé wo vo ana, ’té sunyanu ’lɛzan Nébuzaradan wo bɛ pa Asikam be Gédalia lee, wo koo, Nétania be Ismaɛl go wo nya luu gi, yé é go wo nya Amɔn munu va.

Jérémi 43:3

Naa, Nérija be Baruk ɛ i bli nwa ko ma léé, wo ko nɔ Kaldé munu lɛ yé wo ko gyɛ; dé ’bɛ kaan lo, wo go ko nya luu gi Babilɔn tɛrɛ la.

Jérémi 45:1

Dé Nérija be Baruk nyaa Jérémi dére gyɛle nya sɛbɛ ta, Juda nwiinzan blɛn Jozias be Jojakim plale mi nwiin lɛɛ ziɛnzan nya bɛ, yee Jérémi we fe Baruk bozen lɛ é ziin, yé é léma:

Jérémi 52:10

Babilɔn nwiinzan blɛn Sédésias benu bɔrɔ bo wo ti yuɛ va. Yé é Juda nwiinzannu faa bɔrɔ bo Ribla.

Jérémi Lé Wuvɔ Sɛbɛ 3:1

Maa a mi lé Gakelebale wɛwɛ dɔ a ma, a nya. A wɛwɛ a bélé an bla vlewɔlɛ zo.

WENÉNÉ LE JAN A GYE (Évangile selon Jean) 21:18

Maa fe i lɛ kyɔ webozen nya, dé i a mi boroné nya, biibozen ɛ ilé kyɛsidi dɔa i gyɛn, yé fɛ lé ana sɔ i lɛ yé i go ana. Naa, dé i kɛlɛ segele, i dan i bɛ nwa lɛ, yé mi bɛ é dan ilé kyɛsidi dɔ lɛ, yé fɛana ’ka sɔ lɛ i lɛ lo, yé é go i nya ’bɛna.