Jérémi 43:11 - Kazambale lé Sebe Sauunu 1979

¹¹ É dan da lɛ yé é dan Éjipiti munu bla lɛ; munu lé wozé ke ga nya, ’wo ga ma, munu lé wozé ke luubale nya, ’wo kɛlɛ luubale gi ma, yé munu lé wozé ke gwɔun nya, ’wo wo gyɛ gwɔun nya ma.

Jérémi 43:11 ပူးပေါင်းရင်းမြစ်များ

JOB (Job) 20:29

Mi nyané zé lé Kazambale a ta dɔ, yee lé ke bɛ. Tɔnɔfɛ lé Kazambale a fe léé, é dan a ye lɛ, yee lé ke bɛ.

Jérémi 15:2

Yé dé wa laa i lee léé: Ko go kyɛɛn? bé zi pa léma: Gakelebale léma: Munu lé wozé ke ga nya, ’wo ga ma; Munu lé wozé ke gwɔun nya, ’wo ga gwɔun ’léé ma; Munu lé wozé ke lɔrɔ nya, ’wo ga lɔrɔ nya ma; Munu lé wozé ke luubale nya, ’wo kɛlɛ luu nya ma.

Jérémi 25:15

Naa, Gakelebale Izraɛl lé Bale we fe an lɛ yé é léma: Kana lé é ke é fanle anlé bliflile nya bélé dɔrɔ zo, bé si an lee, yé bɛnnu faa lé maa i nwunvɔ wo va, bé nɔ wo lɛ ’wa mini.

Jérémi 25:19

Wo faa lé maa kana ’ko nɔ wo lɛ yé wo ’yi mini a gi, wo lé ke ’ko: Éjipiti tɛrɛ nwiinzan blɛn Faraɔn, a wuozannu, alé mi segelenu, alé munu faa;

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:13

Munu lé woo nyanaan Éjipiti tɛrɛ la, maa dan we lɛdɔ lɛ wo gi bélé fɛan zo lé an we lɛdɔ Jérusalɛm munu gi, gwɔun koo, lɔrɔ koo, bawuruma gyɛ koo, wo nya, a zo.

Ézékiɛl 29:11

Mi do kpen ’ka dan é gane zun lɛ ana lo, yé wi do kpen ’ka dan é gane zun lɛ ana lo, yé lɛɛ yɔ fié wuo mi do kpen ’ka dan nyana lɛ ana lo.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Zakari 11:9

Yé maa léé: Maa ’ka ka pana é dɛrɛ lo. Dé yee lé éé gaan, ’bɛ ’é ga ma; dé yee lé éé zamaga woo, ’bɛ a wo ma, yé wo lé wo vo, ’wo wo ke wi ble ma.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.