Jérémi 43:1 - Kazambale lé Sebe Sauunu 1979

¹ Dérenu faa lé Gakelebale wolé Bale a pa Jérémi ’léé léé, ’é a fe munu lɛ, Jérémi nyaa aan wo wo fele nya wo faa lɛ.

Jérémi 43:1 ပူးပေါင်းရင်းမြစ်များ

Wepélisiananu 19:14

Lɔt bɔra yé é we fe é lu zananu lɛ, yé é lé wo lɛ léé: ’Ka nwa, ’ka fwi fɛkona, naa, Gakelebale a gona fla ’wii lɛ. Naa, é dɔ a lu zananu gi léé, gle lé é a wo.

Fwile 24:3

Moizi da Gakelebale dére faa valé bélidɔwenu faa zuo fe lɛ munu lɛ. Munu faa a zi pa dére do nya léé: We faa lé Gakelebale a fe, ko dan a kɛlɛ lɛ.

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Jérémi 1:7

Yé Gakelebale lé an lɛ léé: Té bé fe léé, ’é a nékénéné nya lo. Naa, munu faa lé maa i nwunvɔ wo va, i dan go lɛ wo va, yé we faa lé maa a pa i ’léé, i dan a fe lɛ wo lɛ.

Jérémi 26:2

Gakelebale léma: ’I dɔ Gakelebale lé kɔn gɔrɔ gi yé munu lé wo si Juda flanu faa la yé wo dia ’wo bli la Gakelebale lé kɔn gi, dérenu faa lé maa i béli dɔ a nya, bé fe wo lɛ. Té i paa a do kpen zi lo.

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Jérémi 42:21

Maa a fe ka lɛ kyɔ; naa, ka ’ka tɔné dɔa Gakelebale kalé Bale dére lɛ lo, yé we faa lé é a fe an lɛ léé, maa a fe ka lɛ, ka ’ka dan dɔ lɛ a ta lo.

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 51:63

Yé dé i nyaa sɛbɛ ’ko tafele nya, i dan gɔlɛ do yere lɛ a ma, yé bé vuli Yufrat yuu va,

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Kelewenu 5:20

’Ka go, ’ka dɔ Balebangikɔn gi, yé ka mibéliwe ’ko gi faa fe munu lɛ.

1 Samuɛl 8:10

Munu lé wo ke ’wo nwiinzan blɛn ma laana Samuɛl lee, Samuɛl Gakelebale dére faa fe wo lɛ.