Jérémi 42:2 - Kazambale lé Sebe Sauunu 1979

² ’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Jérémi 42:2 ပူးပေါင်းရင်းမြစ်များ

1 Minwiinzannu 13:6

Minwiinzan blɛn lé Bale lé mi lɛ léé: ’I zanté vɔ Gakelebale, ilé Bale lɛ, yé ’i bazoro anlé we ma, léé, an bɛ ’é bɔ plinle lɛ. Bale lé mi zanté vɔ Gakelebale lɛ yé minwiinzan bɔ é bɛ plinle lɛ, yé é kɛlɛ bélé é vinin zo.

Lɛrɛvɔ Sɛbɛ 119:170

Anlé we laale ’é bɔ i va ma. ’I an si we gi ilé blivolɛdére yɛrama.

Fwile 8:28

Naa, gɔnɔ ’ko nya é ziin, Faraɔn é bli kɛlɛ plɛplɛ, yé é ’ka daan lɛ wo ma, ’wo go lo.

Fwile 9:28

’Ka bazoro Gakelebale lɛ léé, té zagele banle valé goowɔlɛlɛɛ é kɛlɛ é dɛrɛ lo; maa dan daan lɛ ka ma, ’ka go, yé wo ’ka dan kun lɛ ka ma é dɛrɛ lo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 1:9

Dé lai sunyanu lé Gakelebale ’ka kɔɔn ko tɔɔtɔɔ pɔné vo lɛ lo, ’té ko kɛlɛ bélé Sɔdɔm zo, ’té ko valé Gɔmɔɔ bɔ ékema.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 42:20

I we kiɛre na ye, yé i ’ka a pa lɛ i ’wuo gi lo I tɔné lɛ so, naa, i ’ka we ’ma lɛ lo.

Jérémi 15:11

Gakelebale léé: Webozen lé, izé é dan kɛlɛ lɛ néné é voéla; webozen lé, maa dan glawe kɛlɛ lɛ i nyanézan lɛ yé é dan é ’wuo wɔra lɛ i gane wuo, we tɔntɔn bɔbléyi valé kleblebléyi va.

Jérémi 2:27

Wo lé yili lɛ léé: Bii a an ti nya. Yé wo lé gɔlɛ lɛ léé: Bii ɛ an bɔra tɛrɛ la. Naa, wo nwunzi dɔa an ta, wo ’ka yuɛ vɔa an ta lo. Yé dé wenaané bɔ ka ma bléyian va, ka léé: ’I nwa, ’i bɔ ko va.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 37:20

Sin, anzan minwiinzan, ilé zanté, ’i tɔné dɔ an lɛ. ’I anlé dunuvɔmadére nyi si. Té i an pa zia sɛbɛgyɛzan Jonatan lé kɔn gi é ziin lo, dé an da ga ’bɛna.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 38:14

Minwiinzan blɛn Sédésias munu pa zia balelayezan Jérémi laana, yé wo da a nya a va Gakelebale lé kɔn ’léé yaazan na. Yé minwiinzan blɛn lé Jérémi lɛ léé: Maa dan we do laa lɛ i lee; té i we do kpen yɔɔ an ma lo.

Jérémi 40:15

Yé Karéak be Jokanan we fe Gédalia lɛ kyeen gi Misipa yé é léé: ’I zi nɔ an lɛ an Nétania be Ismaɛl gyɛ. Mi do kpen ’ka dan a we ’ma lɛ lo. Mɛmalé é a a va léé, é i gyɛɛ? Judanu faa lé wo zén ékeva i punma bɛ, mɛmalé é a lé wo kini ékema yé Juda munu pɔnénu é zamaga woo?

Jérémi 42:20

Ka a gi kɛlɛna kabozen lɛ. Naa, ka an pa zia Gakelebale kalé Bale va, a fele nya léé: ’I go kolé muun nya Gakelebale kolé Bale va. We faa lé Gakelebale kolé Bale é dan a fe lɛ, bé fe ko lɛ yé ko dan a kɛlɛ lɛ.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Ézékiɛl 12:16

Naa, maa dan wo va mi kenu vo lɛ yé ’bɛnu é dan so lɛ gwɔun koo, lɔrɔ koo, migyɛgyɛ koo, wo lee, wolé bozowenu faa zuo fele we ma, bɛnnu lé wo dan go lɛ wo méléna, wo lɛ, yé wo dan a gi dɔɔ lɛ léé, maa lé ke Gakelebale nya.

OZÉ (Osée) 8:10

Dé wo blɛ boen kɛlɛ bɛnnu lɛoo, maa dan wo zén lɛ ékema laoɛ, yé é vo sɛ yé wo dan nyané ble lɛ mi blɛnblɛnnu nwiinzan lé kɔné wuo.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Amɔs 7:2

Yé gangannu ’ko a tɛrɛ la lu faa blena aan wo, maa léma: Mizan Gakelebale, ilé zanté, Jakɔb é dan vo lɛ ana kaa? Naa, é a tɔɔtɔɔ.

Matio 24:22

Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.

Kelewenu 8:24

Simɔn lé a lɛ léé: Kabozen ’é zanté vɔ Mizambale lɛ an lɛ, yé we lé ka a fe, té a do kpen é bɔ an ma lo.

Bélidɔwesɛbɛ Fiézan 28:62

Yé ka lé ka ke kiɛre é vinin bélé lagi monénénu zo, ka dan vo lɛ sɛ, ka ’ka Gakelebale, kalé Bale dére lɛdɔ lɛ a ma lo, ’bɛzama.

Bélidɔwesɛbɛ Fiézan 28:63

Zin kɛlɛle ka lɛ valé ka fanle kiɛre, ’bɛ Gakelebale gi nana é vinin fɛan zo, a zo duo lé Gakelebale lé ka gyɛle zamaga nya valé ka kulu gale é dan a gi nana lɛ. Yé tɛrɛ lé ka dan bɔ lɛ a ta yé é kɛlɛ kazé nya, Bale é dan ka si lɛ a ta gla nya.

Bélidɔwesɛbɛ Fiézan 4:27

Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.

SEBE LÉ JAK A GYE (Épitre de Jacques) 5:16

Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 7:8

yé wo lé Samuɛl lɛ léé: Té i daan siaale ma Gakelebale, kolé Bale lɛ kolé we ma lo, alé ko sile Filisitinu lee we gi.