Jérémi 42:18 - Kazambale lé Sebe Sauunu 1979

¹⁸ Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 42:18 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 34:25

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Ézai 30:3

Yara é dan ka gyɛ lɛ, Faraɔn lé ka tabinle we ma, yé yaragyɛwe é dan bɔ lɛ ka ma, ka yɔɔle Éjipiti munu bɛ wuo we ma.

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 22:27

Naa, tɛrɛ lé wa a va léé, wo nɔla ’bɛna, wo ’ka dan nɔla lɛ ’bɛna lo.

Jérémi 23:40

maa dan ka kɛlɛ lɛ serelebomazannu nya lɛɛfaama, yaragyɛwe lé a glɛ ’ka lo, maa dan a bɔ lɛ ka ma. Mi gi ’ka dan san lɛ we ’konu ma monomono lo.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Jérémi 33:5

Dé wo bié gulidanle Kaldémunu va we ma, yee kɔnnu é dan fan lɛ munu lé maa dan wo gyɛ lɛ anlé bliflile valé an wɛwɛ nya, wo galenu nya, munuan maa dan an yara yɔɔ lɛ wo ma, wolé wenyanénu lé we ma, woo lé.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi Lé Wuvɔ Sɛbɛ 2:4

É sa gana wo ma bélé wo nyanézan zo, A bɛyi éé bon‐ɛn‐an wo nya bélé mi lé éé nwaan é bɔluzan ma, a zo; Fɛnu faa lé woo mi yuɛgi bɔa, é wo sɛrɛ, A wɛwɛ dɔ yé éé zén‐é Siɔn munu lé sɔkɔn ta bélé kyɛ lé.

Jérémi Lé Wuvɔ Sɛbɛ 2:6

É élé sɔkɔn zana a gi bélé zianféi sɛrɛle zo, É wolé zén‐ékemana sɛrɛ; Gakelebale a kɛlɛ, yé Siɔn munu gi san ’wolé fɛti valé ’wolé flinyinu ma, Yé alé bliflile baba zi, é sɔn vɔ minwiinzan blɛn valé Balebanzan ma.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 20:34

Maa dan ka si lɛ munu méléna, maa dan ka si lɛ tɛrɛnu lé ka go ana, wo ta, yé maa ka zén ékeva an bɛ plɛplɛ valé an bɛ soile nya, é valé an wɛwɛ dɔle nya ka ma.

Ézékiɛl 22:22

Fɛan zo lé gɔɔlifu éé selean fɛselebɔ gi, a zo duo lé ka dan sele lɛ fla ’ko ta. Yé ka dan a gi dɔɔ lɛ léé, maa Gakelebale, an wɛwɛ dɔ ka ma.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Mi Nɔnɔle 5:27

Dé é nyaa ’yi ’ko minile nya, dé é kɛlɛ léé, we lezan gyɛ, ’yi lé woo bale paan mi ma a nya, é dan wɔra lɛ lezan bɔn gi, yé é a kun; a bɔn é dan zii lɛ, a boro é dan ga lɛ a ma, yé lezan ’ko é dan kɛlɛ lɛ balepamazan nya élé munu méléna.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.