Jérémi 42:14 - Kazambale lé Sebe Sauunu 1979

¹⁴ yé dé ka léé: Gba, ko ’ka dan vo lɛ tɛrɛ ’ko la lo, ko dan go lɛ Éjipiti tɛrɛ la, fɛana lé wo ’ka guli daan lo, ’té woo ’ka béli dére maan ’bɛna lo, yé fɛ ’ka vuruan mi ma ’bɛna lo, ’bɛna lé ko dan nyana lɛ.

Jérémi 42:14 ပူးပေါင်းရင်းမြစ်များ

Fwile 16:3

Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Fwile 17:3

Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii?

Ézai 30:16

Ka léé: Gba, ko dan vlan buru lɛ wisoonu nya, bɛwemalé ka dan fwi lɛ vlanburule nya. Yé ka léé: Ko dan vɔ lɛ gulidangoro lé éé sié, a gi, amalé ka zuobinmunu é dan ka zuo bin lɛ sile nya.

Ézai 30:2

Woo goo Éjipiti tɛrɛ la, ’té woo ’ka zi laan an lee lo, vɔle Faraɔn zi we ma, léé, ’é kɛlɛ wo tabinzan nya, yé woo yɔɔna ginian Éjipitimunu bɛ wuo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Jérémi 4:21

Maa dan drapo zunle ye lɛ mɛ bléyi vaa? Béli dére ta é dan dɔ lɛ bléyi kyɛn vaa?

Jérémi 41:17

yé é zi sia wo nya yé wo da yé wo bɔ Kimam lé otɛli lé ke Bɛtléɛm sɔnɔ, ana. É sɔ wo lɛ léé, wo go Éjipiti tɛrɛ la,

Jérémi 43:7

Wo go Éjipiti tɛrɛ la. Naa, wo ’ka Gakelebale lɛdɔ lɛ a ma lo, yé wo bɔ Tapanɛs.

Mi Nɔnɔle 14:3

Mɛmalé Gakelebale a a va léé, ’é go ko nya tɛrɛ ’ko ta yé wo ko gyɛ gwɔun nya, yé ko nanu valé kolé nénu é kɛlɛ gulizarafɛnu nyaa? Dé ko go ko pa gi Éjipiti tɛrɛ la, ’bɛ fila ’ka vɔ lɛ loo?

Mi Nɔnɔle 14:4

Yé wo lé ’wo ke lɛ léé: Kaa kaa nwiinzan do dɔ, yé kaa go kaa pa gi Éjipiti tɛrɛ la.

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Bélidɔwesɛbɛ Fiézan 17:16

Naa, té élé wisoonu kɛlɛ kiɛre lo; té é go munu nya Éjipiti tɛrɛ la wisoo kiɛre sile we gi lo; naa, Gakelebale lé ka lɛ léé, té ka nɔla zi ’ko la é ziin monomono lo.

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.