Jérémi 42:11 - Kazambale lé Sebe Sauunu 1979

¹¹ Gakelebale léma: Té ka kana Babilɔn nwiinzan blɛn lee lo. É vinin ka kana a lee; té ka kana a lee sin lo. Naa, maa a ka va ka sile we gi we ma, ’é valé ka sile a lee we ma.

Jérémi 42:11 ပူးပေါင်းရင်းမြစ်များ

2 Minwiinzannu 25:26

Yé munu faa, é sia wo va né kiénézan ma yé é bɔ wo va mi segele ma, wo valé sunyanu palu nwiinzannu nya, wo nwa yé wo go Éjipiti tɛrɛ la; wo kana Kaldémunu lee, azama.

Lɛrɛvɔ Sɛbɛ 118:6

Gakelebale éé paan an va, an ’ka kanaan we do kpen lee lo; Blaminu é bɔa mɛ ɛ kɛlɛle lɛ an lɛɛ?

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 27:11

Naa, bɛn lé é kɛlɛ Babilɔn nwiinzan blɛn lé luu nya yé é a plale é nwiin nyi si, maa dan ’bɛzan vo lɛ alé tɛrɛ la, féi pale valé nyanale ana we ma. Maa Gakelebale ɛ ke a fena.

Jérémi 27:12

Maa yee we duo fe Juda nwiinzan blɛn Sédésias lɛ léé, ’i kɛlɛ Babilɔn nwiinzan blɛn lé luu nya. ’I pla yee valé alé munu wuo yé i dan vo lɛ é yuɛma.

Jérémi 27:17

Té ka tɔné dɔ wo lɛ lo; ’ka ’wuo dɔ Babilɔn nwiinzan blɛn wuo yé ka dan vo lɛ é yuɛma. Mɛmalé é a lé fla ’ko é kɛlɛ é ’bin nyaa?

Jérémi 41:18

sile Kaldé munu ma baa we ma. Asikam be Gédalia lé Babilɔn nwiinzan blɛn a dɔ munu nwiinzan nya, Nétania be Ismaɛl a gyɛ, amalé wa kanana Kaldé munu lee.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Kelewenu 18:10

Maa a i va, yé mi do kpen ’ka dan é bɛ mane lɛ i ma wenyané kɛlɛle i lɛ we gi lo. ’I we fe. Anlé mi a fla ’ko la kiɛre.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 20:4

Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.