Jérémi 40:5 - Kazambale lé Sebe Sauunu 1979

⁵ Jérémi mɔn a zi pana fɛan zo, yé sunyanu ’lɛzan lé a lɛ léé: ’I go Safan be Asikam be Gédalia lé, Babilɔn nwiinzan blɛn a dɔ Juda flanu nwiinzan nya bɛ, a va, yé ’i vo alé munu va. Dé ’bɛ kaan lo, dé fɛofɛana sɔ i lɛ, ’i nyana ana. Yé sunyanu nwiinzan fɛblele nɔ a lɛ yé é blɛ kɛlɛ a lɛ, yé é a yai vɔ.

Jérémi 40:5 ပူးပေါင်းရင်းမြစ်များ

2 Minwiinzannu 22:12

Balebanzan Ilkija koo, Safan be Asikam koo, Misé be Akabɔɔ koo, sɛbɛgyɛzan Safan koo, minwiinzan wuozan Asaja koo, minwiinzan blɛn lé wo lɛ léé:

2 Minwiinzannu 22:14

Balebanzan Ilkija koo, Asikam koo, Akabɔɔ koo, Safan valé Asaja koo, wo go balelaye le Ulda va; é a sɔnu tabinzan Aaras be Tikiva be Salum na nya. Éé nyanaan Jérusalɛm flagɔrɔ bɛ gi.

2 Minwiinmunu lé Wezuofe Sɛbɛ 34:20

Ilkija koo, Safan be Asikam koo, Misé be Abudɔn koo, sɛbɛgyɛzan Safan koo, minwiinzan blɛn leezan Asaja koo, minwiinzan blɛn lé wo lɛ léé:

Ezidras 7:27

Gakelebale, ko tranu lé Bale drɔɔ ’é vo ma. Yee ɛ we fe minwiinzan blɛn bli gi léé, Gakelebale lé kɔn lé ke Jérusalɛm, ’é a tɔ kɛlɛ blɛn.

Ezidras 7:6

Ezidras ’ko si Babilɔn; é a sɛbɛgifezan do nya, yé bélidɔwe lé Izraɛl lé Bale, Gakelebale a nɔ Moizi lɛ, é a dɔɔ é zima. Gakelebale alé Bale bɛ a a ta, amalé fɛ faa lé é a ma laa, minwiinzan blɛn a nɔ a lɛ.

Néémi 1:11

Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

JOB (Job) 22:29

Dé tuawe bɔ i ma, i dan bazoro lɛ yé i dan nwa lɛ é ziin; Mi lé a ’wuo ke é vɔle a wuo, Kazambale éé bɔa ’bɛzan va.

Wegɔnévɔlenu 16:7

Dé mi giébɛ sɔ Gakelebale lɛ, dé é a a nyanézan boen nyaoo, Bale éé yee valé ’bɛ kɛla mi do.

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Jérémi 15:11

Gakelebale léé: Webozen lé, izé é dan kɛlɛ lɛ néné é voéla; webozen lé, maa dan glawe kɛlɛ lɛ i nyanézan lɛ yé é dan é ’wuo wɔra lɛ i gane wuo, we tɔntɔn bɔbléyi valé kleblebléyi va.

Jérémi 26:24

Naa, Safan be Asikam bɔ Jérémi va, yé é a ta béli dɔ léé, té wa pa munu lee, wolé a gyɛle we ma lo.

Jérémi 39:14

wo munu pa zia léé, ’wo Jérémi si bokɔn gɔrɔ gi; yé wa bɛ pa Safan be Asikam be Gédalia lee, léé, ’bɛ é go a nya élé kɔn ’léé. Yé é vo munu méléna.

Jérémi 40:4

Sin, gɔgɔbalenu lé ke é vɔle i bɛ ma bɛ, maa wo kini i ma kyɔ. Dé é sɔ i lɛ léé, i go an va Babilɔn, ’ko go yé ’i vo an bɛ la. Dé é ’ka sɔ lɛ i lɛ léé, i go an va Babilɔn tɛrɛ la lo, ’i vo ’ko; bé ye, tɛrɛ faa a i ’lɛ; dé fɛofɛana sɔ i lɛ yé bé ye fɛna zima nya, ’i nyana ana.

Jérémi 41:1

Élisama be Nétania be Ismaɛl a minwiinzan blɛn gɔnɔlazan nya. Moné sɔrafiézan nya é da Asikam be Gédalia va Misipa, ’té minwiinzan blɛn lé mi blɛnblɛnnu valé mi vu a a va, yé wo fɛ ble ékeva Misipa.

Jérémi 41:18

sile Kaldé munu ma baa we ma. Asikam be Gédalia lé Babilɔn nwiinzan blɛn a dɔ munu nwiinzan nya, Nétania be Ismaɛl a gyɛ, amalé wa kanana Kaldé munu lee.

Jérémi 41:2

Yé Nétania be Ismaɛl valé mi vu lé wo da wo nya bɛ, wo nwa yé wo Safan be Asikam be Gédalia gyɛ gwɔun nya. Mi lé Babilɔn nwiinzan blɛn a dɔ Juda tɛrɛ nwiinzan nya, wa gyɛ a zo, yé é ga.

Kelewenu 27:3

’Bɛ é tu kini, ko bɔ Sidɔn. ’Té Julius éé Pɔl paan é zima, yé é zi nɔ a lɛ léé, ’é go ’é béénu va, ’té ’bɛnu éé wezin kɛla a lɛ.

Kelewenu 27:43

Naa, é sɔ sunyayɔsoru ’lɛzan lɛ léé, ’é Pɔl si we gi, amalé é a yi ga wo lee léé, té wa kɛlɛ lo. É léé: ’Kaa lé, ka ’yisile dɔɔ, ’ka vɔ ’yi va é vinin, yé ka bɔ gɔ la;

Kelewenu 28:10

yé wo ko tɔ kɛlɛ blɛn, yé ko gobléyi va, fɛnu lé ko mawe ke wo gi, wo wo nɔ ko lɛ.

Ébrunu 13:6

Bɛwemalé, kaa bɔa a fele lɛ webozen nya léé: Mizambale éé bɔa an va, an ’ka dan kana lɛ fɛ do kpen lee lo; Mɛ lé blami é bɔa a kɛlɛle lɛ an lɛɛ?