Jérémi 40:11 - Kazambale lé Sebe Sauunu 1979

¹¹ Juifinu faa lé wo ke Moab valé Édom tɛrɛ la koo, wo lé wo ke Amɔn munu va koo, wo lé wo ke tɛrɛ bɛnu ta koo, wa ’ma léé, Babilɔn nwiinzan blɛn mi kenu vo Juda tɛrɛ la, yé é Safan be Asikam be Gédalia dɔ wo nwiinzan nya.

Jérémi 40:11 ပူးပေါင်းရင်းမြစ်များ

Wepélisiananu 36:8

Ézau nyana Séii gɔ nwiin. Ézau ɛ ke Édom nya.

Ézai 11:14

Wo dan ’wo péli vɔ lɛ do yé wo nwa Filisitinu ma yirivɔnazia, yé wo fɛ si yirinwanazia munu lee gla nya. Édom munu valé Moab munu é dan kɛlɛ lɛ gulizarafɛ nya wo lɛ; Amɔn munu é dan pla lɛ wo wuo.

Ézai 16:4

Moab munu lé ke lulazannu nya, ’i zi nɔ wo lɛ léé, wo nyana i va. ’I wo yɔɔ misɛrɛzan lee. Naa, yaale mi ta é dan nyaa lɛ, yé fɛ sɛrɛle é dan nyaa lɛ. Mi lé é tɛrɛ zɔn é gane nya, a ta é dan saan lɛ.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 41:10

Yé munu faa lé wo vo Misipa, Ismaɛl wo si luu nya; minwiinzan blɛn lunu koo, munu lé wo vo ana, ’té sunyanu ’lɛzan Nébuzaradan wo bɛ pa Asikam be Gédalia lee, wo koo, Nétania be Ismaɛl go wo nya luu gi, yé é go wo nya Amɔn munu va.

Jérémi 43:5

Yé Karéak be Jokanan valé sunyanu ’lɛzannu faa, wo munu ’ko si yé wo go wo nya Éjipiti tɛrɛ la. Munu lé wo kini ékema yé wo sɔɔla bɛn bɛnu suiɛ gi, wo pɔnénu lé wo vo yé wo da wo pa gi yé wo nyana Juda tɛrɛ la é ziin,

Jérémi 43:6

gɔnénu koo, lomu koo, nénu koo, minwiinzan blɛn lunu koo, munu faa lé sunyanu nwiinzan Nébuzaradan wo vo Safan be Asikam be Gédalia lee, wo koo, balelayezan Jérémi koo, Nérija be Baruk koo, woo lé wo wo si.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Ézékiɛl 25:12

Mizan Gakelebale léma: É dɔ Édom munu gi léé, ’wo ɛ we lɛ gi paan Juda munu ma, yé wo we lɛgi pa wo ma, ’bɛna lé wo ’wobo gyɛ we nya.

Ézékiɛl 25:2

Blami be, ’i yara dɔ Amɔnnu va, yé ’i balelawe fe wo ma.

Ézékiɛl 25:6

Naa, Mizan Gakelebale léma: I bɛ gyɛ, ’té i gane zuun‐an, ’té i gi éé nanaan i bli gi, ’té i serele boo Izraɛl tɛrɛ ma,

Ézékiɛl 25:8

Mizan Gakelebale léma: Fɛan zo lé Moab valé Séii munu a fe léé: Ka ye, Juda munu a bélé bɛngɔnɔnu faa zo,

Ézékiɛl 34:6

Anlé trubɛ palu vo nɔɔna gɔ faa valé gɔpanénu faa nwiin. Anlé trubɛ palu kini ékema tɛrɛ la fɛfaana. Mi do kpen ’ka é gi bɔrɔan wo ma lo; mi do kpen ’ka wo ginina lo.

Ézékiɛl 35:15

Wo Izraɛl munu lé tɔnɔfɛnu sɛrɛ, yé i gi nana ’bɛ lé we ma, amalé maa dan izé kɛlɛ lɛ a zo; Séii gɔ, i dan kɛlɛ lɛ fɛna tété nya, bii valé Édom tɛrɛ faa nya. Yé wo dan a gi dɔɔ lɛ léé, maa ɛ ke Gakelebale nya.

Ézékiɛl 35:5

Mizan Gakelebale léma: Maa a é yuɛma. Naa, zapale lé é ’ka nyaan lo, é a i gi yé i Izraɛl munu zuo bin gwɔun nya, we tɔntɔn bɔ wo ma yian nya, ’bɛ yi nya, bléyian va lé wolé weple lɛ sɔɔ, ’bɛ bléyi va; amalé maa dan i bɔra lɛ, yé wo i nyɛ zana, yé nyɛ é dan yoro lɛ i zuo; naa, i ’ka sɔn vɔ lɛ nyɛ zanale ma lo, azamalé nyɛ é dan yoro lɛ i zuo.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Ézékiɛl 5:3

Yé i nwin gɔ sɛ si; bé pa ilé varɔ lɔlu gi yé bé diri dɔ.

Mi Nɔnɔle 22:1

Izraɛlnu go, yé wo ’wolé sɔkɔnnu dɔ Moab lé fɛna pɛblɛɛna, Juudɛn yuu zi, Jériko yarazia.

Mi Nɔnɔle 25:1

Izraɛlnu nyana Sitim, yé Izraɛlnu kun wenyané kɛlɛle ma Moab blɛnnu va.

Mi Nɔnɔle 25:2

Wo Izraɛlnu laa léé, ’wo pa ’wo va ’wolé bale banna, yé munu ana fɛ ble yé wo dia wolé balenu ’lɛ.

1 Samuɛl 11:1

Amɔn mi Nakas da Jabɛs mabɛn lɛ Galaad tɛrɛ la. Jabɛs munu faa lé Nakas lɛ léé: ’I gi pa do ko va yé ko pla i wuo.

1 Samuɛl 12:12

’Bɛ zuo, ka a ye léé, Amɔnnu minwiinzan Nakas da ka ma yé ka lé an lɛ léé: Gba, naa, mi do é dan pla lɛ ko nwiin, dɔlé ’té Gakelebale, kalé Bale a ka nwiinzan nya.