Jérémi 4:9 - Kazambale lé Sebe Sauunu 1979

⁹ Gakelebale léé: ’Bɛ yi la, minwiinzan blɛn valé flazannu fuu é dan si lɛ wo ta, yé Balebanmunu gi é dan vuru lɛ, yé balelayezannu ’léé é dan ma lɛ wo ma.

Jérémi 4:9 ပူးပေါင်းရင်းမြစ်များ

2 Minwiinzannu 25:4

Yé wo zan dɔ flagɔrɔ ma; yé gulidanmunu faa vlan buru é béli, flagɔrɔ ’léé zi lé ke minwiinzan blɛn lé zian féi gɔrɔ fié méléna, a ta, bléyian va lé Kaldémunu fla zi lɛ sɔɔ, a bléyi va. Vlanburuzannu go fɛna pɛblɛɛna zi ta.

Lɛrɛvɔ Sɛbɛ 102:4

Naa, anlé yinu éé giéan bélé kyɛgoi zo, Yé an wɔlɛnu kyɛ éé blé bélé kyɛnyɛ zo.

Ézai 19:16

’Bɛ yi la, Éjipiti munu é dan kɛlɛ lɛ bélé lomu zo. Dé wa ye léé, lai sunyanu lé Gakelebale nwa ’wo ma yé wa ye we kɛlɛna, wo ma é dan nyɔɔn lɛ, yé kana é dan zén lɛ wo gi.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 28:19

É dan gié lɛ yifaama, bladi nyanadi. Bléyi faa do do lé éé giéan, éé ka kunwo, dé ka gun ’ma é pla, kana é dan zén lɛ ka gi.

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 25:34

Munu pazannu, ’ka dunnu, ’ka siaa; zi gɔɔn trubɛ lɛzannu, ’ka burula kyɛyee va. Naa, ka bɔrɔboyi bɔ sin, azama. Maa dan ka ’wii lɛ yé ka dan dia lɛ bélé bɔwezan zo.

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 52:7

Yé wo nyanémunu fla zi gɔrɔ ’wii. Gulidanzannu faa vɔ fli gi yé wo si fla é béli, minwiinzan blɛn lé zianféi zi lé, éé giéan fla zi gɔrɔ fiénu méléna, wo ’bɛ zi sia yé wo fɛna pɛblɛɛna zi sia. ’Té Kaldé munu a é dirile fla zi.

Kelewenu 13:41

’Kaa serelebofɛmazannu, ’ka nagini Yé ka gi ’é vuru ma, yé ka ta ’é saan munu lee ma; Naa, an dan nyanama do pa lɛ kazé bléyi va; Nyanama lé, dé wa zuo fe ka lɛ, ka ’ka dan pa lɛ a ta lo, yee lé.