Jérémi 4:8 - Kazambale lé Sebe Sauunu 1979

⁸ Amalé, ’ka bɔlɔ zén ka ta, ’ka wuvɔ yé ’ka dunnu; Naa, Gakelebale lé bliflile blɛn ’ka dan vuru lɛ ka ma lo.

Jérémi 4:8 ပူးပေါင်းရင်းမြစ်များ

Lɛrɛvɔ Sɛbɛ 78:49

Alé bliflile plɛplɛ koo, a wɛwɛ koo, a bli tɔntɔn koo, kleblele koo, é wo nwa wo ma. Nwunvɔzannu lé Bale wo pa zia we tɔntɔn kɛlɛle wo lɛ we gi, wo lé ke bɛ.

Ézai 10:4

Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 32:11

Tanyila lomu, ’ka kana ma. Kun‐anwo lomu, ka ma ’é nyɔɔn ma; ’ka sɔ si ka ta, ’ka poro, ’ka sɔ dɔ ka gyɛn.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 25:34

Munu pazannu, ’ka dunnu, ’ka siaa; zi gɔɔn trubɛ lɛzannu, ’ka burula kyɛyee va. Naa, ka bɔrɔboyi bɔ sin, azama. Maa dan ka ’wii lɛ yé ka dan dia lɛ bélé bɔwezan zo.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 48:20

Moab a é dɔle é gane ta, naa, é a é sɛrɛle. ’Ka dunnu, ’ka siaa, ’Ka zana dɔɔ Aanɔn yuu gɔnu la, Léé, wo ’wii Moab ta.

Jérémi 6:26

Anlé munu, ’ka bɔlɔ zén ka ta, yé ’ka burula kyɛyee va. ’Ka gyɛ bo bélé négɔné do kpen gyɛ zo. Ka yuɛyi ’é zén, ’ka dunuzénmita wuvɔ; naa, fɛsɛrɛzan a dana ko va ko tanyila.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Ézékiɛl 21:12

Yé dé wa laa i lee léé: Mɛmalé i dunnuaan? Bé zi pa wo lɛ léé, naa, we do é dan bɔ lɛ yé wo dan a zuo fe lɛ, azama. Kana é dan zén lɛ munu faa gi, Munu faa bɛnu é dan kɛlɛ lɛ tɔɔtɔɔ, Munu faa boen fuu é dan si lɛ ’wo ta, Munu faa powuo é dan gié lɛ é ke gi. Ka ye, é a dana. É da. A zo lé Mizan Gakelebale a fe.

Ézékiɛl 30:2

Blami be, ’i balelawe fe léma: Mizan Gakelebale léma: ’Ka dunnu ma; yi ’ko a klebleyi nya.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Misé 1:16

’I puo ma gun bo, ’i nwin puiɛ ilé né wezannu lé we ma. ’Ibo kɛlɛ palogyɛzan nya bélé gyɛn zo; ilé nénu é dan go lɛ luu gi tɛrɛ baa la, ’bɛzama.

Mi Nɔnɔle 25:4

Gakelebale lé Moizi lɛ léé: ’I munu nwiinzannu faa zén ékeva, yé ’i weanwiinzannu faa dun Gakelebale ’lɛ yili ta, léé, Gakelebale lé bliflile é si Izraɛlnu ma.