Jérémi 4:7 - Kazambale lé Sebe Sauunu 1979

⁷ Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 4:7 ပူးပေါင်းရင်းမြစ်များ

2 Minwiinzannu 24:1

Jojakim bléyi va, Babilɔn nwiinzan Nébukanɛsaa go guli dan lɛ a va. Jojakim pla a wuo lɛɛ yaa; ’bɛ zuo Jojakim nwa a ma é ziin.

2 Minwiinzannu 25:1

Sédésias plale munu nwiin lɛɛ sɔraziɛnzan lé moné vuzan lé yi vuzan nya, Babilɔn nwiinzan Nébukanɛsaa da Jérusalɛm ma, élé sunyanu faa nya é va; é sɔkɔnnu dɔ a ’lɛ, yé é tɛrɛ zun dɔ a zi.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 5:9

We lé lai sunyanu lé Gakelebale a gɔɔn an lɛ, yee lé ke ’ko: weboen lé, kɔn kiɛre ’konu é dan vo lɛ é koro nya; kɔn blɛn nɔnɔminu ’ko, wo gizan ’ka dan ye lɛ lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 22:6

Naa, Gakelebale we fe Juda munu nwiinzan blɛn lé munu lé we ma, yé é léé: Bii a an lɛ bélé Galaad tɛrɛ zo, bélé Liban gɔ zogoroné zo. Naa, weboen lé, maa dan i kɛlɛ lɛ bélé bwi zo, fla lé mi do kpen ’ka a ta lo, a nya.

Jérémi 22:7

Maa a fɛsɛrɛzannu ma’lɛrɛna, léé, ’wo nwa i ma, ’té gulidanfɛnu a wo faa lee do do. Wo dan ilé sɛdrɛyili zimanu bɔi lɛ, yé wo dan wo vɔ lɛ kyɛ va.

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 27:8

Dé bɛn do léé, dé bɛntɛrɛ do léé, dé é ’ka pla lɛ yee Babilɔn nwiinzan Nébukanɛsaa wuo lo, yé dé é ’ka a nyi si lɛ léé, é kɛlɛ alé luu nya lo, maa dan we lɛdɔ lɛ ’bɛ bɛn ’ko gi, gwɔun koo, lɔrɔ koo, migyɛgyɛ koo, wo nya fɔɔ yé maa a kulu ga yee Nébukanɛsaa bɛ nya. Maa Gakelebale ɛ ke a fena.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:29

Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:44

Ka ye, wo nyanézannu éé giéan Juudɛn yuu gɔnu tɔbɔlenu ma bélé golizra zo, yé woo giéan nyanana plɛplɛ ma. Kele tɔɔn maa dan wo bin lɛ yé mi lé maa si a va, maa dan ’bɛ dɔ lɛ a nwiin. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan kyɛn ɛ dan dɔ lɛ an maa?

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Ézékiɛl 12:20

Flanu lé munu éé nyanaan wo ta, wo dan wo sɛrɛ lɛ yé wo dan ’wii lɛ tɛrɛ ’ko ta. Yé ka dan a gi dɔɔ lɛ léé, maa lé ke Gakelebale nya.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Ézékiɛl 32:2

Blami be, ’i gyɛbodére fe Éjipiti nwiinzan blɛn Faraɔn ma. Bé fe a lɛ léma: I a yi la bélé golizra boroné zo bɛnnu méléna. I a yi la bélé yuéi zo wɛyinu va. I duun‐an ilé yuunu va, i ’yinu nanoan i ganenu nya, ’té i ’yi nwalenu nanoan.

Daniɛl 5:19

alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.

Daniɛl 7:4

a vininzan a bélé golizra zo yé a bɛanu a bélé gola bɛanu zo. Maa a naginina fɔɔ yé wa bɛanu so. Wa nwa tɛrɛ va yé wa dɔ é ganenu ta bélé blami zo, yé wo mi bli vɔ a gi.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.