Jérémi 4:4 - Kazambale lé Sebe Sauunu 1979

⁴ Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 4:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 34:25

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Ézai 10:17

Izraɛl vakinisan é dan kɛlɛ lɛ kyɛ nya, yé alé Mi Sauun é dan kɛlɛ lɛ kyɛnɛnɛ nya, yé ’bɛ é dan Asirinu nwiinzan lé léliyilinu valé danannu ble lɛ yi do kpen nya.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Jérémi 15:14

Maa dan ka valé ka nyanézan pa lɛ zia tɛrɛ lé ka ’ka a dɔɔa lo, a ta, naa, anlé bliflile a bélé kyɛ lé wa bi, a zo; é nwa ka ma.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 23:19

Ka ye, Gakelebale lé fu blɛn a giéna, a wɛwɛ dɔ; é zun wo gi bélé zagele zo. É ’wii mi nyanénu ’wuo ma bélé bɔ zo.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 9:25

Ka ye, Gakelebale léma: A yi é dan bɔ lɛ, yé munu faa lé wo gane ke é dɔle, ’té wo bli ’ka é sile ’wo kɛlɛwe kyɛnnu lɛ lo, maa dan we lɛdɔ lɛ wo gi.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 16:38

Maa dan ilé we ble lɛ bélé fɛan zo lé woo le bɛ zanaginizan valé mi nyɛ zana lomu lé we blé, a zo. Yé maa dan i kɛlɛ lɛ blifliémafɛ lé wa nyɛ zana maawobli nya, a nya.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 20:33

Mizan Gakelebale léma: Maa a é yuɛma. Maa dan pla lɛ ka nwiin an bɛ plɛplɛ valé an bɛ soile nya, ’é valé an wɛwɛ dɔle nya ka ma.

Ézékiɛl 21:17

Blami be, ’i siaa, ’i dunnu ma. Naa, wa so é kɔlɛ gi anlé munu ma, Izraɛl munu nwiinzannu faa ma. Maa wo valé anlé munu bɔra gwɔun lɛ, amalé ’i boro gyɛ.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Ézékiɛl 24:8

Amalé maa a nyɛ zana gɔlɛ ta, léé, té wa ta yɔɔ lo, yé wa ye léé, an wɛwɛ dɔ a ma, yé anzé lɛgi pa a ma.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Amɔs 5:6

’Ka Gakelebale nagini yé ka dan vo lɛ é yuɛma. ’Ka kana, dé é da bi Jozɛfu lé munu ma bélé kyɛ zo, yé kyɛ ’ko a ble, ’té mi do kpen ’ka Bétɛl yé ’bɛ a diri lo.

Sofoni 2:2

ka mawe lé Bale a fe, a lɛsɔɔle ’lɛ, yé yi ’ko é gié bélé ’sapɛɛ zo, Gakelebale lé bliflile ka ma ’lɛ, Gakelebale lé blifliyi bɔle ka ma ’lɛ.

Rom munu 2:25

Dé i bélidɔwe tawe kɛla, ’té ganedɔle tɔnɔ a, naa, dé i bélidɔwe sɛra, ’té é a bélé fɛan zo lé i gane ’ka é dɔle lo, a zo.

Bélidɔwesɛbɛ Fiézan 10:16

Amalé ’ka bli si wenyané lɛ é ziin, yé té ’ka kɛlɛ wemaplɛplɛzannu nya é dɛrɛ lo.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Kolɔs munu 2:11

Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya.