Jérémi 4:29 - Kazambale lé Sebe Sauunu 1979

²⁹ Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 4:29 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:11

Yé Gakelebale Asiri nwiinzan blɛn lé sunyanu nwiinzannu nwa yé é da wo nya Izraɛlnu ma. Wo Manasé kun yé wo foliɛwɔlɛbale vɔ a ma. Wa yere zéné gɔgɔbalenu nya, yé wo go a nya Babilɔn.

Ézai 30:17

Dé mi do é bɛ nwa, mi wuru soru é dan fwi lɛ; dé mi soru ’wo bɛ nwa, ka faa é dan fwi lɛ fɔɔ yé ka lé ka vo, ka dan kɛlɛ lɛ bélé tɔmase do zo gɔ nwiin, bélé drapo zo gɔpané ta.

Ézai 6:12

fɔɔ yé Gakelebale é munu si ana ma baa, yé a tɛrɛ é dan nɔla lɛ bwi blɛn nya.

Jérémi 16:16

Gakelebale léma: Ka ye, maa dan pɔgyɛmunu kiɛre pa lɛ zia yé wo dan munu ’ko si lɛ bélé pɔgyɛle zo; yé ’bɛ zuo maa dan lupazannu kiɛre pa lɛ zia yé wo dan munu ’ko mavɔɔ lɛ, gɔ blɛnnu faa koo, gɔpanénu faa koo, gɔlɛ blɛnnu féngyɛle koo, wona.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 52:7

Yé wo nyanémunu fla zi gɔrɔ ’wii. Gulidanzannu faa vɔ fli gi yé wo si fla é béli, minwiinzan blɛn lé zianféi zi lé, éé giéan fla zi gɔrɔ fiénu méléna, wo ’bɛ zi sia yé wo fɛna pɛblɛɛna zi sia. ’Té Kaldé munu a é dirile fla zi.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Amɔs 9:1

Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

WENÉNÉ LÉ LUK A GYE (Évangile selon Luc) 23:30

Yé wo dan a fe lɛ gɔ blɛnnu lɛ léé: ’Ka zana ko ta. Yé wo dan a fe lɛ gɔ sɛsɛnu lɛ léé: ’Ka dia ko gi.

1 Samuɛl 13:6

Wo wo tunu yé Izraɛl munu a ye léé, guli bɛ mini wo lɛ, yé wo yɔɔ gɔmagurunu gi koo, yilinénu kwɛɛ gi koo, gɔlɛnu méléna koo, zéiinnu gi koo, ’yigurunu gi koo, wona.