Jérémi 4:28 - Kazambale lé Sebe Sauunu 1979

²⁸ Amalé tɛrɛ ’ko ta munu faa a gyɛ bona, Yé gunu dɔra la gi loru, Naa, maa a fe, yé an suni wɔra. Maa ’ka dan an bli nɔla lɛ lo; maa ’ka dan gyɛ lɛ an zuo lo.

Jérémi 4:28 ပူးပေါင်းရင်းမြစ်များ

Ézai 24:4

Tɛrɛ ’ko kyɛ é dan dɔ lɛ yé é dan nyaa lɛ. Ana munu plɛplɛ zana a gi yé wo yuɛgi zun. Mununwiinzannu lé plɛplɛ ’ka lo.

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Ézai 50:3

Maa gunu dɔraan lanu gi, Yé maa gyɛbosɔ zén wo ta.

Jérémi 12:11

Wa kɛlɛ bwi nya; É a gyɛ bona, tɛrɛla lɔrɔ nyaa a ma an yuɛ gi. Naa, wo ’wii tɛrɛ faa ta, ’Bɛ we ’ka mi do kpen yuɛ gi bɔ lɛ lo.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 23:20

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 51:12

’Ka drapo nwa Babilɔn ma, ’ka sunyanu taa pa, ’ka wo taginizannu dɔ, ’ka fla mabɛn! Naa, we do a Gakelebale gi, yé wean é a fe Babilɔn munu ma, é dan a lɛ sɔɔ lɛ.

Jérémi 7:16

Yé bii, té i dɔ mi ’konu lé we gi lo. Té i dére éé bié wolé zanté vɔlenu valé wo ma bazorole nya lo. Té i wo mawe fe an lɛ dunuvɔmadére nya lo, naa, maa ’ka dan an tɔné dɔ lɛ i lɛ lo, azama.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Ézékiɛl 24:14

Maa Gakelebale, maa ɛ fe; we ’ko é dan bɔ lɛ yé maa dan a lɛ sɔɔ lɛ. Maa ’ka dan gyɛ lɛ an zuo lo. An nyanai ’ka dan zén lɛ i ta yé an bli nɔla lo. Wo dan ilé we ble lɛ ilé tawobɛ valé i kɛlɛwenu yɛrama. Yee lé Mizan Gakelebale a fe.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 4:3

Bɛwemalé ana munu é dan gyɛ bo lɛ; munu faa lé woo nyanaan ana, wo yuɛi é dan zun lɛ, bwigiwinu valé lagi mianénu koo é ziin. Wɛyi va pɔnu boen koo, wo faa é dan san lɛ.

Joɛl 1:10

Féinu sɛrɛ, ’Sa sɛrɛ tata, Amalé tɛrɛ vo é pla. Dɔrɔ dɛrɛ ’ka lo, yé nyɔnɔ ’ka lo.

Zakari 8:14

Lai sunyanu lé Gakelebale léma: Fɛan zo lé é dɔ an gi léé, maa wenaané kɛlɛ ka lɛ, ka tranu lé an bliflile lé we ma, yé an bli ’ka nɔla lɛ a kɛlɛle ma lo;

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Matio 27:45

É sia yiéyi yiri ma, ’té gunu a é dɔrale tɛrɛ faa la fɔɔ yé é bɔ yiri tɛnlale plɛplɛ ma.

Maak 15:33

Yiéyi pa aan wo, gunu dɔra tɛrɛ faa la fɔɔ yili tɛnlale plɛplɛ nya.

WENÉNÉ LÉ LUK A GYE (Évangile selon Luc) 23:44

Yiéyi pa aan wo gunu dɔra tɛrɛ faa la, fɔɔ nyanadi yiri plɛplɛ nya.

Éfez munu 1:11

Kaa a Krist gi, amalé kaa a tɔnɔblezannu nya, naa, mi lé éé we faa kɛla ébozen lé blibɔmawe yɛrama bɛ, é kaa dɔ a nya é kyɛn ’é bɔn‐in danle nya, léé,

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Wegɔɔnle 6:12

É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.