Jérémi 4:27 - Kazambale lé Sebe Sauunu 1979

²⁷ Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 4:27 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Néémi 9:31

Naa, ilé nyanai zénle blɛn gi, i ’ka wo kulu ga lɛ lo, yé i ’ka daan lɛ wo ma lo, naa, i a Bale lé, é mi mawe dɔɔ yé a nyanai éé zén‐é, a nya.

Ézai 17:6

É dan vo lɛ bélé ɔliviyili gɔ ma zo, ’té wa yili nyɔɔn, ’té a poro fié valé yaa vo a nwiin yé a poro ziɛn valé soru vo a bɛnu ’léé, a zo. Gakelebale Izraɛl lé Bale ɛ fe.

Ézai 24:1

Ka ye, Gakelebale é dan ’wii lɛ Juda tɛrɛ la yé é a kɛlɛ bwi nya; é dan a yara bua lɛ yé é ana munu ta saan.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 4:20

Woo we tɔntɔn na glewoo, ’té wa woo, Naa, wo ’wii tɛrɛ faa ta, Wo anlé sɔkɔnnu sɛrɛ bléyi do nya fiaa, Wo anlé yɔlaabannu zana yuɛlakɔné gyɛle do nya.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi 5:18

Gakelebale léé: Naa, ’bɛ yinu la, maa ’ka dan ka kulu ga lɛ tata lo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Ézékiɛl 11:13

Maa a balelawe fena aan wo tɔɔn Bénaja be Pélatia ga. An dia an bli la yé an siaa dére plɛplɛ nya léé: Éé! Mizan Gakelebale, i dan Izraɛl pɔné sɛrɛ lɛ tataa?

Ézékiɛl 20:17

Naa, an nyanai zén wo ta, yé maa ’ka wo gyɛ lɛ lo; maa ’ka wo kulu ga lɛ bwi gi lo.

Ézékiɛl 33:28

Maa dan tɛrɛ ’ko kɛlɛ lɛ fɛna tété valé bwi gi nya; alé plɛplɛ lé boblɛn ta é dan zana lɛ, Izraɛl gɔnu nwiin é dan vo lɛ tété; mi do kpen ’ka dan gié lɛ wona lo.

Ézékiɛl 6:14

Maa dan an bɛ kɛlɛ lɛ wo ma; fɛ faa lé wo nyanaan ana, maa dan ana tɛrɛ kɛlɛ lɛ é ’bin nya, ’té a guru a é zanale a gi é mini Dibla bwi ta, yé wo dan a gi dɔɔ lɛ léé, maa lé ke Gakelebale nya.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:44

Naa, duowo, dé wa wo nyanézannu lé tɛrɛ la, maa ’ka dan sɔn vɔ lɛ wo ma lo, yé maa ’ka dan serele bo lɛ wo ma fɔɔ yé maa wo nyaa lo, fɔɔ yé maa anlé gipawe sɛrɛ wo va lo; maa a Gakelebale, wolé Bale nya, azama.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.