Jérémi 4:26 - Kazambale lé Sebe Sauunu 1979

²⁶ Maa nagini, yé Kaamɛl tɛrɛ zin kɛlɛ bwi saa nya, Yé ana fla faa ’wii Gakelebale ’lɛ. Gakelebale bli flile blɛn lé we ma lé we ’konu kɛlɛ.

Jérémi 4:26 ပူးပေါင်းရင်းမြစ်များ

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Lɛrɛvɔ Sɛbɛ 76:7

Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.