Jérémi 4:16 - Kazambale lé Sebe Sauunu 1979

¹⁶ ’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 4:16 ပူးပေါင်းရင်းမြစ်များ

Ézai 34:1

Bɛnnu, ’ka bié, ’ka we ’ma. Munu, ’ka tɔné dɔ. Tɛrɛ valé é tafɛnu faa, tɛrɛ valé fɛnu faa lé éé a dɔa, ’ka tɔné dɔ ma.

Ézai 39:3

’Bɛ zuo balelayezan Ézai da minwiinzan Ézékia va yé é lé a lɛ léé: Munu ’ko, wo lé nɔɔ? Wo si kyɛn yé wo da i vaa? Ézékia lé a lɛ léé: Wo si tɛrɛ baa la, wo si Babilɔn.

Jérémi 1:15

Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 39:1

Juda munu nwiinzan blɛn Sédésias plale mi nwiin lɛɛ sɔraziɛnzan nya, a moné vuzan nya, Babilɔn nwiinzan blɛn Nébukanɛsaa da élé sunyanu faa nya yé wo diri Jérusalɛm zi; Sédésias plale mi nwiin lɛɛ vu ta dozan nya, a moné ziɛnzan lé yi sɔraziɛnzan nya, wo flagɔrɔ ’wii. Wo Jérusalɛm si aan wo, Babilɔn nwiinzan blɛn lé sunyanu faa wɔra fla, yé a gɔrɔ ’léé lé ke a méléna, wa si wozé nya; Nɛɛgal‐Sarɛsɛɛ koo, Samgaa‐Nébu koo, mi blalenu ’lɛzan Saasékim koo, ’monédɔmunu faa zilɛzan Nɛɛgal‐Saarɛsɛɛ koo, Babilɔn nwiinzan blɛn lé mi segelenu faa koo, woo lé.

Jérémi 4:17

Gakelebale léé: Wo diri Jérusalɛm zi bélé féitabinzannu zo. Jérusalɛm nwa an ma, azama.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 6:18

Amalé, bɛngɔnɔnu, ’ka tɔné dɔ, yé ’kaa zén‐ékevamunu, we lé é dan bɔ lɛ wo ma, ’ka a gi dɔɔ ma.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi 6:22

Gakelebale léma: Ka ye, bɛn do a sina yirinwana bɛbolazia tɛrɛ do la; bɛn blɛn do a nwana tɛrɛ glɛ sina.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

Ézékiɛl 21:22

Yé maa é ziin, maa dan an bɛ gyɛ lɛ, yé an wɛwɛ dɔle lɛ é dan sɔɔ lɛ. Maa Gakelebale, maa ɛ fe.