Jérémi 4:13 - Kazambale lé Sebe Sauunu 1979

¹³ Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 4:13 ပူးပေါင်းရင်းမြစ်များ

2 Samuɛl 1:23

Saul valé Jonatan a mi zinnu valé sɔmilɛzannu nya wolé tɛrɛla gi, Yé wo ’ka wo kini lɛ ékema wo gabléyi nya lo. Woo sié é mini golanu ta, Wa plɛplɛ é mini golizranu ta.

Ézai 13:5

Wo si tɛrɛ baa la, wo si la glɛ sina yé wo da. Gakelebale valé élé bliflile lɛsɔɔzannu, wo dan ana tɛrɛ faa sɛrɛ lɛ.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 5:28

Wolé sawɔlɛnu lɛ ma a é bole yé wo faa a sa ganana; wolé wisoonu sɔnéwɔlɛnu a bélé gɔlɛ zo yé wolé goro ganenu a bélé barikoko zo.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 10:19

Jérusalɛm léé: We tɔntɔn bɔ an ma; maa zana a gi. An manɔn vo tɔntɔn. Naa, maa léé: Dirikinié mi lɛ we bɔ an ma, An dan an ’wuo dɔ lɛ a wuo.

Jérémi 4:12

naa, funé lé é si mi, yé é bɔ an va ’ko, yee lé. Sin, maa dan wolé we ’wuo dɔ lɛ.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 48:40

Naa, Gakelebale léma: Ka ye, Moab nyanézan éé sié bélé gola zo, yé é bɛa soi Moab tɛrɛ ta.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Jérémi 9:19

Gyɛbodérenu a wena Siɔn. Ka ye do, ko kulu ga. Yara wɔra ko ’wuo ma bélé sɔ zo, É a lé ko si tɛrɛ ’ko la, Wo ko nyanana guru zana a gi.

Jérémi Lé Wuvɔ Sɛbɛ 4:19

Munu lé woo nyané paan ko ta, Wolé vlanburule mini la gi gola sile ta, Wo ko zuo bin gɔnu nwiin, Wo sannu pla ko wuo bwi gi.

Ézékiɛl 26:10

Alé wisoo ’léé kiɛre é dan i ta saan lɛ vungoi nya. Bléyian va lé wa wɔrana ilé flagɔrɔ ’léé, bélé fɛan zo lé woo wɔraan fla lé wa si, a ta, a zo, wolé wisootamunu koo, kɔnésigoronu koo, gulidangoronu koo, wo vun wele ma lé ilé flagɔrɔ ma é dan nyɔɔn lɛ.

Ézékiɛl 38:9

I dan nwa lɛ wo ma, i dan bié lɛ wo ma bélé fu plɛplɛ zo, i dan kɛlɛ lɛ bélé lati lé é bié tɛrɛ sɔnɔ, a zo, bii valé ilé mi palunu faa koo, é valé mi ’léé kiɛre lé wo ke i va koo, wo nya.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 7:4

a vininzan a bélé golizra zo yé a bɛanu a bélé gola bɛanu zo. Maa a naginina fɔɔ yé wa bɛanu so. Wa nwa tɛrɛ va yé wa dɔ é ganenu ta bélé blami zo, yé wo mi bli vɔ a gi.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Misé 2:4

’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Abaku 1:8

Wolé wisoonu lé vlanburule é mini kuanu zé ta, yé wo ta kelekele mini nyanadi glaunu ta. Alé wisootazannu éé giéan boblɛn saa nya; alé wisootazannu si baa, woo sié bélé gola lé é ke baana é gyɛwi ta, a zo.

Zakari 6:1

An yuɛ vɔ loru é ziin yé maa nagini, ’té gulidangoro ziɛn a bɔrana gɔ blɛn fié méléna; gɔ ’konu a zénégɔnu nya.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.