Jérémi 4:1 - Kazambale lé Sebe Sauunu 1979

¹ Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Jérémi 4:1 ပူးပေါင်းရင်းမြစ်များ

Wepélisiananu 35:2

Jakɔb lé élé kɔngimunu valé é mamunu faa lɛ léé: Bɛnnu lé balenu lé ke ka lee, ’ka wo si ka méléna. ’Ka kɛlɛ é zima, ’ka kalé sɔnu tavɔɔ.

2 Minwiinzannu 23:13

Gɔ nwiin yobannanu lé wo ke Jérusa?-?sɛm yara, sanna gɔ bɛyilazia, minwiinzan wo sɛrɛ; Izraɛl nwiinzan wo dɔ Asataté koo, Sidɔn lé bozobale koo, Moab lé bozobale Kémɔs koo, Amɔn lé bozobale Milkɔm koo, wozé nya.

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

2 Minwiinmunu lé Wezuofe Sɛbɛ 15:8

Aza dére ’konu valé balelayezan Odɛd lé balelawefele ’ma aan wo, é ébo dɔ gligli. Yé bozowenu lé wo ke Juda valé Bɛnjamɛnnu lé tɛrɛnu la koo, wo lé wo ke Éfraim gɔ nwiin flanu lé é wo si guli nya, wo ta, ’bɛnu koo, é wo si ana. Yé Gakelebale banna lé ke Gakelebale lé kɔn ’léé, é a dɔ é dɔna.

2 Minwiinmunu lé Wezuofe Sɛbɛ 33:8

Maa ’ka dan Izraɛl bin lɛ tɛrɛ lé maa léé, maa a nɔ ka tranu lɛ, ana é ziin lo, ’té dé wo tawo anlé bélidɔwenu faa ta, an sɔnnénu faa koo, anlé we plalenu koo, an déretawenu lé Moizi a fe koo, wo faa yɛrama.

2 Minwiinmunu lé Wezuofe Sɛbɛ 34:33

Bozowenu faa lé ke Izraɛl munu lé tɛrɛnu faa ta, Jozias wo si ana, yé munu faa lé wo ke Izraɛl tɛrɛ la, é léé, ’wo Gakelebale wolé Bale bɔ gla nya. Alé tɛrɛla bléyi faa va, wo ’ka si lɛ Gakelebale, wo tranu lé Bale zuo lo.

Ézai 31:6

Izraɛl munu, ’ka nɔla, mi lé ka vo ka bɛ zuo baa, a va.

Jérémi 15:19

Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:5

Yee balelayezannu léma: ’Kaa faa do do, ’ka si ka kɛlɛwe naané valé ka kɛlɛwe nyanénu zuo, yé ka dan nyana lɛ tɛrɛ lé maa a nɔ ka valé ka tranu lɛ, a ta, ’té ’bɛ glɛ ’ka dɔa lo.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 7:3

Lai sunyanu lé Gakelebale, Izraɛl lé Bale léma: ’Ka kalé tawobɛnu valé kalé we kɛlɛbɛnu ma nɔla, yé maa dan zi nɔ lɛ ka lɛ léé, ka nyana fɛkona.

Jérémi 7:5

Dé ka kalé tawobɛnu valé kalé wekɛlɛbɛnu nɔla, dé ka we tegele kɛla ka ke va,

Jérémi 7:7

’té maa dan zi nɔ lɛ ka lɛ léé, ka nyana fɛkona, tɛrɛ lé maa a nɔ ka tranu lɛ, ana, lɛɛfaama a glɛ ’ka lo.

Ézékiɛl 11:18

Ana lé wo dan go lɛ, yé wo dan miyilinu faa valé bozowenu faa si lɛ ana.

Ézékiɛl 18:13

dé éé vɛɛn paan ézé tɔnɔ yele we ma, yé ’té éé gɔɔli pamale sié; yee, a be ’ko é dan vo lɛ é yuɛmaa? É ’ka dan vo lɛ é yuɛma lo. É bozowe ’konu faa kɛlɛ; ’é ga ma, yé a nyɛ ’é dɔ abo nwiin.

Ézékiɛl 43:9

Sin, wo dan ’wolé miyilinu valé ’wo nwiinzannu galenu si lɛ an ma baa, yé maa dan nyana lɛ wo méléna lɛɛfaama, ’bɛ glɛ ’ka lo.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Bélidɔwesɛbɛ Fiézan 4:30

Dé ka a nyané blena, dé we tɔntɔn ’konu faa bɔ ka ma, yi voélanu gi ka dan nɔla lɛ Gakelebale kalé Bale va, yé ka dan ka tɔné dɔ lɛ a dére lɛ;

Jozué 24:14

Sin, ’ka kana Gakelebale lee ma, yé ’ka a bɔ bli tegele valé yarapalale nya ma. Balenu lé ka tinu wo bɔ yuu zi valé Éjipiti tɛrɛ la, ’wo si ka melena ma, yé ’ka Gakelebale bɔ ma.

Weblezannu 10:16

Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.