Jérémi 39:6 - Kazambale lé Sebe Sauunu 1979

⁶ Babilɔn nwiinzan blɛn Sédésias benu bɔrɔ bo ’wo ti yuɛ va Ribla; yé Babilɔn nwiinzan blɛn Juda mi blɛnblɛnnu faa bɔrɔ bo.

Jérémi 39:6 ပူးပေါင်းရင်းမြစ်များ

Wepélisiananu 21:16

yé é nyana a yara zia baa bélé mi éé sa vulian yé a wɔlɛ é dia fɛana bɛ, ana zo; naa, é léé: Anlé né ’ko, té maa ’bɛ gana ye lo. Amalé é nyana ana mi a yarazia, yé é dére bié wuvɔle nya.

Wepélisiananu 44:34

Dé né ’ka an va lo, an kɛla kaa yé an go é ziin an ti vaa? Yiba! Té maa an ti lé nyanéblele ye lo ma.

2 Minwiinzannu 22:20

Bɛwemalé, bé ye, i dan go lɛ drɔɔ i tranu zuo, yé we tɔntɔnnu faa lé maa dan wo bɔ lɛ fɛkona ma, i ’ka dan wo ye lɛ lo. Wo go yé wo we zi pa dére ’ko zuo fe minwiinzan blɛn lɛ.

2 Minwiinzannu 25:7

Wo Sédésias benu bɔrɔ bo é yuɛ va; a zuo wo Sédésias yuɛnu so yé wo zénégɔgɔbale vɔ a ma, yé wo go a nya Babilɔn.

2 Minwiinmunu lé Wezuofe Sɛbɛ 34:28

Bé ye, i dan go lɛ drɔɔ i tranu zuo yé we tɔntɔnnu faa lé maa dan wo bɔ lɛ fɛkona valé ana munu ma, i ’ka dan wona ye lɛ lo. Wo go yé wo we zi pa dére ’ko zuo fe minwiinzan blɛn lɛ.

Esitɛɛ 8:6

Naa, we tɔntɔn é bɔa anlé munu ma an yuɛ va kaa? Yé an bɔa an bɛn kulu gana yele lɛ kaa?

Ézai 13:16

Wo dan wolé nénu ’wii lɛ wo yuɛ va; wo dan wolé kɔnnu ’wii lɛ, yé wo dan zɔwɛgyɛ lɛ wo nanu ta gla nya.

Ézai 34:12

Mi segelenu ’ka dan wo nwiinzan blɛn dɔ lɛ ana é dɛrɛ lo; alé mi blɛnblɛnnu faa nyaa.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 34:3

Yé bii, wo dan i kun lɛ, yé wo dan i pa lɛ Babilɔn nwiinzan blɛn lee, i ’ka dan so lɛ a lee lo; ka dan ka ke ye lɛ a nya yé ka dan we fe lɛ ka ke yara a nya, yé é dan go lɛ i nya Babilɔn.

Jérémi 38:23

Wo dan go lɛ ilé lomu valé ilé nénu faa nya Kaldémunu va; yé bii, i ’ka dan so lɛ wo lee lo. Babilɔn nwiinzan blɛn é dan i kun lɛ, yé wo dan fla ’ko kyɛ ble lɛ.

Jérémi 52:10

Babilɔn nwiinzan blɛn Sédésias benu bɔrɔ bo wo ti yuɛ va. Yé é Juda nwiinzannu faa bɔrɔ bo Ribla.

Ézékiɛl 23:24

Woo biéan i ma gulidanfɛnu koo, gulidangoronu koo, kɔnésigoronu koo, mi gu blɛn koo, wo nya, ’té botakuunfɛ blɛnnu valé a kiénézannu koo, kanakoronu koo, ’té wa wo lee. Woo sié fɛfaana, ’té woo biéan i ma. Maa weblele bɛ pa wo lee, yé wo dan ilé we ble lɛ wolé bélidɔwenu yɛrama.

Ézékiɛl 24:5

’I wi ko si trubɛnu va, yé ’i kyɛ wo lɛedaa wuo kiɛre yé ’é fli zɛ zɛ zɛ, yé wiwɔlɛnu lé wo ke a gi, yé wo ma é ziin.

Sofoni 1:8

Gakelebale lé saraka boyi nya, maa dan we lɛdɔ lɛ minwiinzannu valé minwiinzan blɛnnu benu gi, é valé munu faa lé woo bɛn bɛ lé tɛrɛla sɔ zén‐é ’wo ta bɛ, wo nya.

Bélidɔwesɛbɛ Fiézan 28:34

We lé é dan kɛlɛ lɛ ka yuɛ va, é dan gwe vɔ lɛ ka ’wuo gi.