Jérémi 39:4 - Kazambale lé Sebe Sauunu 1979

⁴ Juda nwiinzan blɛn Sédésias valé gulidanzannu faa we ’ko ye aan wo, wo fwi é kele yé wo si fla é béli. Minwiinzan blɛn lé zianféi zi lé éé wɔraan flagɔrɔ fiénu méléna, wo ’bɛ zi sia, yé wo go fɛna pɛblɛɛ nazia.

Jérémi 39:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:5

Ézékia bli ta dɔ plɛplɛ. Flagɔrɔ lé é ke é sɛrɛle, é a ma’lɛrɛ yé é a dɔ fɔɔ kɔn torole kiilii ma, yé é gɔrɔ bɛ bo a zi. Yé Milo lé é ke David lé fla, é a dɔ plɛplɛ, yé é gulidanfɛnu valé mibotakuunfɛnu ma’lɛrɛ kiɛre.

Ézai 22:11

Ka ’yi téégifɛ kɛlɛ flagɔrɔ fié méléna, yé ka ’yiguru kyɛn lé ’yinu zén ’bɛ gi. Naa, mi lé we ’konu faa sɔ a lɛ, ka ’ka bɔn‐in bɔrɔan ’bɛzan ma lo; yé mi lé é wenu ’ko ma’lɛrɛ ana mɔn, ka ’ka ’bɛ yé lo.

Ézai 22:3

Ilé zilɛmunu faa wo dan vɔ lɛ fli gi ékeva é pla, ’té wo ’ka sa gana lɛ wo ma lo. Dé i tamunu vɔ fli gi baaoo, wo dan wo faa kun lɛ luu nya duowo.

Ézai 29:2

Maa dan Ariɛl mabɛn lɛ. Wo dan wuvɔ lɛ yé wo dan dunnu lɛ, yé fla ’ko é dan kɛlɛ lɛ an lɛ bélé balebanna lé wa laama Ariɛl, a zo.

Jérémi 32:4

Juda nwiinzan blɛn Sédésias ’ka dan so lɛ Kaldé munu lee lo, naa, wo dan a pa lɛ Babilɔn nwiinzan blɛn lee; wo dan we fe lɛ a nya wo ke yara, yé wo fiénu é dan wo ke yuɛ wɔlɛ ye lɛ;

Jérémi 32:5

Babilɔn nwiinzan blɛn é dan go lɛ Sédésias nya Babilɔn, yé é dan vo lɛ ’bɛna fɔɔ yé a sele é dɔ an gi. Maa Gakelebale ɛ ke a fena. Dé ka guli dan Kaldé munu va, é ’ka dan nana lɛ ka lee lo. Mɛmalé i balelawe fe ’bɛ zoo?

Ézékiɛl 12:12

Wolé minisi lé ke wo va, é dan élé kɔné pla lɛ é bɛ la gunu dɔra bléyi va yé é go. Wo dan gɔrɔ guru fɔn lɛ yé wa bɔra ana. É dan sɔ zén lɛ é ’wuo ma, té é tɛrɛ ye lo we gi.

Ézékiɛl 12:4

Ilé kɔné bɔra bélé giézan lé kɔné zo é yiéyi, wo yuɛ va. Yé bii, ’i go é nyanadi bélé fɛan zo lé luugimunu éé goo, a zo, ’té woo i yé.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:36

Ka va munu lé wo vo é yuɛma ’wo nyanézannu lé tɛrɛ la, maa dan wo zuru va nyɛ kini lɛ; yililaa vun lé é ke wena bɛ, a lee lé wo dan vlan buru lɛ; wo dan vlan buru lɛ bélé fɛan zo lé mi éé vlan buruwo gwɔun ’lɛ, a zo, ’té woo goo diale nya, dɔlé ’té mi do kpen ’ka wo zuo lo.

Amɔs 2:14

Vlanburuzan baba ’ka dan bɔ lɛ gyɛle lɛ bwi gi lo; mi lé plɛplɛ ke a lee, é ’ka dan bɔ lɛ wekɛlɛle lɛ a nya lo, yé nyanazan ’ka dan bɔ lɛ ébo sole lɛ we lee lo.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.