Jérémi 39:18 - Kazambale lé Sebe Sauunu 1979

¹⁸ Maa dan i si lɛ we gi, wo ’ka dan i gyɛ lɛ gwɔun nya lo; i dan vo lɛ é yuɛma. I pa an ta, azama. Maa Gakelebale ɛ ke a fena.

Jérémi 39:18 ပူးပေါင်းရင်းမြစ်များ

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

JOB (Job) 5:20

É dan i si lɛ ga lee, lɔrɔ dɔbléyi va, É dan i takuun lɛ gwɔun lee, gulidanbléyi va.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 33:18

Bé ye, Gakelebale yuɛ a é dɔle munu lé woo kanaan a lee, wo ta, Munu lé wo bli ke alé zin lɛ, a yuɛ a wo va,

Lɛrɛvɔ Sɛbɛ 34:22

We tɔntɔn éé mi nyané gya, Yé woo we lɛdɔa mi tegele nyanézannu gi.

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Lɛrɛvɔ Sɛbɛ 84:12

Naa, Bale, Gakelebale a yiri nya; é a mi takuunzan nya, Gakelebale éé zin valé fua no mi lɛ, Munu lé gun ’ka wolé tawobɛ ma lo, é ’ka sɔn vɔa zin do kpen kɛlɛle ma wo lɛ lo.

Lɛrɛvɔ Sɛbɛ 91:7

Dé mi wuru soru dia i bɛ do laoo, Yé dé mi baa soru dia i bɛyilaoo, Wo ’ka dan bɔ lɛ i lɛ lo;

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Jérémi 21:9

Mian éé voo fla ’ko ta, é dan ga lɛ gwɔun lee, dé ’bɛ kaan lo, lɔrɔ lee; dé ’bɛ kaan lo, bawurumagyɛ lee. Naa, mian é bɔra yé é go Kaldé munu lé wo ke kalé fla mabɛnna bɛ, wo va, é dan vo lɛ é yuɛma, yé alé gulizarafɛ lé ke léé, é so ga lee.

Jérémi 38:2

Gakelebale léma: Mian é vo fla ’ko ta, é dan ga lɛ, dé gwɔun léé, dé lɔrɔ léé, dé bawurumagyɛ léé, a nya; naa, mian é dan si lɛ ana yé é go Kaldé munu va, é dan so lɛ we lee, é dan vo lɛ é yuɛma, é dan béli lɛ.

Rom munu 2:12

Munu faa lé wo wenyané kɛlɛ, ’té bélidɔwe ’ka tan bɔra lɛ wo va lo, wo dan ga lɛ yé wo ’ka dan wolé we ble lɛ bélidɔwe nya lo, yé munu faa lé wo wenyané kɛlɛ, ’té bélidɔwe a wo va, wo dan ga lɛ yé wo dan wolé we ble lɛ bélidɔwe yɛrama.

Éfez munu 1:12

kaa lé, kaa bli kɛlɛ Krist lɛ é vinin, kaalé we ma lé ’wo Jézu lé fua tɔ bɔ.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.