Jérémi 39:1 - Kazambale lé Sebe Sauunu 1979

^1-3 Juda munu nwiinzan blɛn Sédésias plale mi nwiin lɛɛ sɔraziɛnzan nya, a moné vuzan nya, Babilɔn nwiinzan blɛn Nébukanɛsaa da élé sunyanu faa nya yé wo diri Jérusalɛm zi; Sédésias plale mi nwiin lɛɛ vu ta dozan nya, a moné ziɛnzan lé yi sɔraziɛnzan nya, wo flagɔrɔ ’wii. Wo Jérusalɛm si aan wo, Babilɔn nwiinzan blɛn lé sunyanu faa wɔra fla, yé a gɔrɔ ’léé lé ke a méléna, wa si wozé nya; Nɛɛgal‐Sarɛsɛɛ koo, Samgaa‐Nébu koo, mi blalenu ’lɛzan Saasékim koo, ’monédɔmunu faa zilɛzan Nɛɛgal‐Saarɛsɛɛ koo, Babilɔn nwiinzan blɛn lé mi segelenu faa koo, woo lé.

Jérémi 39:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Jérémi 32:1

Gakelebale we fe Jérémi lɛ Juda nwiinzan blɛn Sédésias plale mi nwiin lɛɛ vuzan nya. ’Bɛ a Nébukanɛsaa plale munu nwiin lɛɛ vu ta sɔraazan nya.

Jérémi 34:1

Bléyian va lé Babilɔn nwiinzan blɛn Nébukanɛsaa valé alé sunyanu faa koo, bɛntɛrɛnu lé wo ke é plale a wuo koo, munu faa koo, ’té woo guli daan Jérusalɛm valé é zi flanu va bɛ, ’bɛ bléyi va Gakelebale we fe Jérémi lɛ yé é léma:

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 52:1

Sédésias kɛlɛ minwiinzan blɛn nya bléyian va, ’té a lɛɛ a yɔ do wɔlɛ do, yé é pla munu nwiin lɛɛ vu ta do Jérusalɛm. A bu a Libina le lé wa laama Jérémi lu Amutal, a nya.

Jérémi 6:6

Naa, lai sunyanu lé Gakelebale léé: ’Ka yilinu vɔ, ’ka wo dɔ Jérusalɛm gɔrɔ giéamafɛnu nya; é a lé wo we lɛdɔ fla ’ko lamunu gi; vakɛlɛle saa ɛ ke ana.

Ézékiɛl 33:21

Ko kɛlɛle luu nya lé lɛɛ vu ta fiézan lé moné vuzan yi soruzan nya, Jérusalɛm mi do lé é vɔ fli gi, é da an va yé é lé an lɛ léé: Nyanézannu fla blɛn si.

Ézékiɛl 4:3

’I gbɛlɛ si, yé bé dɔ ka valé fla méléna glɛ nya. ’I yuɛ vɔ a ta, yé wo dan yee fla mabɛn lɛ, yé i dan izé mabɛn lɛ. We ’ko ’é kɛlɛ Izraɛlnu lɛ tɔmase nya ma.

Ézékiɛl 40:1

Fla blɛn sɛrɛle zuo lɛɛ vu ta ziɛnzan nya, ko kɛlɛle luu nya lɛɛ yɔ do wɔlɛ soruzan nya, alé moné vininzan lé yi vuzan nya, ’bɛ yi duo nya Gakelebale an sia, yé é go an nya Izraɛl tɛrɛ la.

Ézékiɛl 5:2

Yé bé lɛ do kyɛ ble fla méléna, yian nya lé fla mabɛnle lɛ sɔɔ, a yi nya. Yé i nwin lɛ fiézan sia, yé i gié a bɔile nya fla zi lamɔn nya. Yé i nwin lɛ yaazan nwɛɛn yé fu a si, yé an dan gwɔun sia lɛ wo ma wo zuo.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.