Jérémi 38:22 - Kazambale lé Sebe Sauunu 1979

²² Lomu faa lé wo vo Juda nwiinzan blɛn lé kɔn gi, wo dan go lɛ wo nya Babilɔn nwiinzan blɛn lé zilɛzannu va, yé yee lomu wo dan i tɔ vɔ lɛ lɛrɛ nya yé wo léé: Munu lé wo vole drɔɔ lé we fe i lɛ bɛ, wo dabli kɛlɛ i lɛ, wo pla i nwiin yé dé we bɔ i ma bléyian va, wo nwunzi dɔ i la.

Jérémi 38:22 ပူးပေါင်းရင်းမြစ်များ

JOB (Job) 6:15

An bwenu a dablikɛlɛzannu nya bélé ’yiyoro plɛplɛ zo, Bélé ’yiyoro plɛplɛ lé éé bélié, a zo.

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Lɛrɛvɔ Sɛbɛ 69:14

Oo Gakelebale, naa, an bazoroan i lɛ, Baleoo, Bale, ilé zin yɛrama bléyi ’ko ’é kɛlɛ bléyi zin nya ma. ’Bé zi pa an lɛ bɔle an va nya.

Lɛrɛvɔ Sɛbɛ 69:2

Baleoo, Bale, ’i an si we gi! Naa, ’yinu éé bon‐ɛn‐an an nya an minile we ma.

Ézai 42:17

Wo dan gyɛ lɛ ’wo zuo, yaragyɛwe é dan bɔ lɛ wo ma, Munu lé woo paan miyilinu ta, Munu lé wa fé miyili selelenu lɛ léé, ka a kolé bale nya, woo lé.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 27:14

Balelayezannu lé wa fé ka lɛ léé: Ka ’ka dan kɛlɛ lɛ Babilɔn nwiinzan blɛn wuozannu nya monomono lo, té ka tɔné dɔ wo lɛ lo. Naa, woo balelawe fé ka lɛ vié nya.

Jérémi 27:15

Maa ’ka wo nwunvɔ lɛ monomono lo, yé woo balelawe fé ka lɛ vié nya an tɔ gi, léé, maa ka bin yé ka ga zama, ka valé balelayezannu lé woo balelawe fé ka lɛ bɛ, wo nya. Maa Gakelebale ɛ ke a fena.

Jérémi 38:19

Minwiinzan blɛn Sédésias lé Jérémi lɛ léé: An kanaan Juifinu lé wo péli vɔ Kaldé munu va, wo lee, dé wo da kle pa an ta.

Jérémi 38:21

Naa, dé i ’ka a nyi si lɛ léé, i go ibo nya wo lɛ lo, we lé Gakelebale a gɔɔn an lɛ, yee lo:

Jérémi 41:10

Yé munu faa lé wo vo Misipa, Ismaɛl wo si luu nya; minwiinzan blɛn lunu koo, munu lé wo vo ana, ’té sunyanu ’lɛzan Nébuzaradan wo bɛ pa Asikam be Gédalia lee, wo koo, Nétania be Ismaɛl go wo nya luu gi, yé é go wo nya Amɔn munu va.

Jérémi 43:6

gɔnénu koo, lomu koo, nénu koo, minwiinzan blɛn lunu koo, munu faa lé sunyanu nwiinzan Nébuzaradan wo vo Safan be Asikam be Gédalia lee, wo koo, balelayezan Jérémi koo, Nérija be Baruk koo, woo lé wo wo si.

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Jérémi 46:5

Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 6:12

Gakelebale léé: Dé an bɛ nwa tɛrɛ ’ko lamunu ma bléyian va, wolé kɔnnu é dan kɛlɛ lɛ mi bɛnu zé nya, wolé féinu valé wo nanu koo é ziin.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi Lé Wuvɔ Sɛbɛ 1:13

É kyɛ si loru yé é a zén an wɔlɛnu ma ’té éé wo blé. É séli vɔ an lee, Yé é kɛlɛ léé, an dia an zuozia; É an bli kyɛ dɔ é baba, yé an fuu éé sié an ta yifaama.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 5:11

Ko nyanézannu zɔwɛ gyɛ Siɔn lomu ta; Wo blɛnnu sɛrɛ Juda flanu ta.

Misé 7:5

Té i bli é vo i béé lɛ lo, té i pa i béé boen ta lo. Le lé ka yiian a nya saa do ta, té i ’léé fuo a va lo.