Jérémi 38:20 - Kazambale lé Sebe Sauunu 1979

²⁰ Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Jérémi 38:20 ပူးပေါင်းရင်းမြစ်များ

Wepélisiananu 12:13

Ilé zanté, bé fe wo lɛ léé, bii a an buru nya, yé wo an pa é zima ilé we ma, yé an vo é yuɛma i pli zi.

Wepélisiananu 19:20

I yua, fla mun a é pu, an bɔalé an yɔɔ ’bɛna, yé é ziin, ’bɛ a kiéné. Ilé zanté, ’an go ’bɛna yé ’an yɔɔ ’bɛna yé an béli. Fla mun, ’bɛ ’ka kiéné loo? yé an boen é vo é yuɛma.

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

Wegɔnévɔlenu 4:4

An ti we paa an gi, yé é lé an lɛ léé: An dére ’é vo i bli gi ma; ’i anlé weplale nyi si yé é dan vo lɛ é yuɛma.

Wegɔnévɔlenu 7:2

’I tawo anlé weplale yɛrama yé i dan vo lɛ é yuɛma. We lé maa a paa i gi, ’i yuɛ pa a va bélé i yuɛzooné zo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 11:8

Naa, wo ’ka ’wo tɔné dɔ lɛ an lɛ lo, yé wo ’ka an ban lɛ wo tɔné nya lo; wo faa do do vo tawona ’wo bligiwe naané yɛrama. Naa, dérenu faa lé maa a fe gipawe ’ko ma, maa a lɛ sɔɔ wo lɛ, ’té maa a fe léé, ’wo a tawe kɛlɛ, yé wo ’ka a tawe do kpen kɛlɛ lɛ lo bɛ, yee lé.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 38:21

Naa, dé i ’ka a nyi si lɛ léé, i go ibo nya wo lɛ lo, we lé Gakelebale a gɔɔn an lɛ, yee lo:

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Amɔs 5:4

Gakelebale we fe Izraɛlnu lɛ yé é léma: ’Ka an nagini, yé ka dan vo lɛ é yuɛma.

Amɔs 5:6

’Ka Gakelebale nagini yé ka dan vo lɛ é yuɛma. ’Ka kana, dé é da bi Jozɛfu lé munu ma bélé kyɛ zo, yé kyɛ ’ko a ble, ’té mi do kpen ’ka Bétɛl yé ’bɛ a diri lo.

Kelewenu 26:29

Pɔl lé a lɛ léé: Dé kyɔ léoo, dé yi bɛ ma léoo, é sɔ an lɛ léé, fɛan zo lé an ke, Bale i kɛlɛ a zo; naa, bii do kpen kaan lo, ka faa lé ka ke ka tɔné dɔna an lɛ kyɔ, fɛan zo lé an ke, Bale ’é ka kɛlɛ a zo, té wo gɔgɔbale vɔ ka bɛ ma é wo lo.

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

SEBE LÉ JAK A GYE (Épitre de Jacques) 1:22

Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.