Jérémi 37:7 - Kazambale lé Sebe Sauunu 1979

⁷ Gakelebale, Izraɛl lé Bale léma: ’Ka fe Juda nwiinzan blɛn lé é ka nwunvɔ an va ’ko, a lɛ léé: Bé ye, Faraɔn lé sunyanu lé wo ke dana bɔna ka va bɛ, wo dan nɔla lɛ wo pa gi Éjipiti tɛrɛ la;

Jérémi 37:7 ပူးပေါင်းရင်းမြစ်များ

2 Minwiinzannu 22:18

Naa, Juda nwiinzan blɛn lé é ka pa zia we laale Gakelebale lee we gi bɛ, ’ka fe a lɛ léma: Dérenu lé bé ’ma, wolé we ma lé Gakelebale, Izraɛl lé Bale léma:

2 Minwiinzannu 24:7

Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

Wegɔnévɔlenu 21:30

Dé é a wedɔɔle nyaoo, dé é a gikinile nyaoo, dé é a weplale nyaoo, wo vazan do kpen ’ka bɔa dɔle lɛ Gakelebale ma lo.

Ézai 30:7

Naa, Éjipiti munu bɔle wo va a boawe valé we pla nya, bɛwemalé maa we ’ko laan, vunwele lé a ’wuoplana ’ka lo.

Ézai 36:6

Bé ye do, i pale a Éjipiti ta. Gyan yélile lé bé si i dɔgi plɛplɛ fɛ nya, ’té dé miomian é dɔ a ta, éé ’bɛ bɛ fɔn‐o; ’bɛ zo lé Éjipiti tɛrɛlamunu nwiinzan ke, munu faa lé wo pale ke a ta, wo lɛ.

Jérémi 2:18

Yé sin, mɛmalé é sɔ ka lɛ léé, ka go Éjipiti tɛrɛ la Yé ka Nil yuu minii? Mɛmalé é sɔ ka lɛ léé, ka go Asiri tɛrɛ la Yé ka ’bɛna yuu minii?

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 2:37

Ana lé ka dan si lɛ, ka bɛ nya é plale ka nwiin. Naa, munu lé ka bli vo wo lɛ, Gakelebale sɔn vɔ wo ma, amalé a va ’ka dan gyɛ lɛ ka lee lo.

Jérémi 21:1

Minwiinzan blɛn Sédésias Malkija be Pasuu valé Balebanzan Maaséja be Sofoni nwunvɔ Jérémi va, a fele a lɛ we gi léé: ’I we laa Gakelebale lee ko lɛ; naa, Babilɔn nwiinzan blɛn Nébukanɛsaa a gulidanna ko va; dé Gakelebale é dan wezin do kɛlɛ lɛ ko lɛ yé é gyɛzorowe kɛlɛ yé é mi ’ko bin ko ma baa? É wo nwunvɔ bléyian va, Gakelebale we fe Jérémi lɛ ’bɛ bléyi va.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 37:5

Faraɔn lé sunyanu si Éjipiti tɛrɛ la. Kaldé munu lé wo ke Jérusalɛm mabɛnna, wo we ’ko ’ma aan wo, wo si Jérusalɛm zi.

Jérémi 37:6

Yé Gakelebale we fe balelayezan Jérémi lɛ yé é léma:

Jérémi Lé Wuvɔ Sɛbɛ 1:7

Jérusalɛm lé klebleyi valé alé nyanaizénlayi nya, We néné faa lé ke azé nya é vinin, wo sele dɔ a gi, Naa, sin alé munu dia munu lé ’bɛnu éé yaan wo ta, ’bɛnu lee, ’té wo bɔvazan do kpen ’ka lo; Wo nyanézannu wo nagini é pla, ’té woo yéri sié a zunle we ma.

Jérémi Lé Wuvɔ Sɛbɛ 4:17

Ko yuɛ pɛ ga é gi é ziin, Ko ko bɔavazannu lɛbɛn é pla. Ko vo a naginina, ’té ko bli a a lɛ léé, Bɛn do é dan ko si lɛ we gi, naa, ’bɛ ’ka lo.

Ézékiɛl 17:17

Bléyian va lé wo dan tɛrɛzun dɔ lɛ flagɔrɔ ma yé wo dɔlafɛnu dɔ mi kiɛre gyɛle we ma, Faraɔn ’ka dan go lɛ munu kiɛre valé sunya palu blɛn nya bɔle a va we ma ’bɛ bléyi va lo.

Ézékiɛl 29:16

Yé yee bɛngɔnɔ ’ko ’ka dan kɛlɛ lɛ Izraɛlnu pa a tazan nya é dɛrɛ lo; yé dé wo yara nɔla a vazia, é dan wolé weple sele dɔ lɛ wo gi, yé wo dan a gi dɔɔ lɛ léé, maa ɛ ke Mizan Gakelebale nya.

Ézékiɛl 30:22

Amalé Mizan Gakelebale léma: Maa a Éjipitinu nwiinzan blɛn Faraɔn ɛ ma yé maa dan a bɛnu yéli lɛ, a bɛ pla valé a yélile koo, woo fiénu lé, yé maa dan gwɔun so lɛ a lee yé é dia.