Jérémi 37:21 - Kazambale lé Sebe Sauunu 1979

²¹ Sédésias a fe munu lɛ léé, Jérémi ’é vo bokɔn gɔrɔ gi yé ’wo vo buru nɔna a lɛ fɔɔ yé buru é nyaa a zo fla. ’Bɛ zo lé Jérémi nyana bokɔn gɔrɔ gi.

Jérémi 37:21 ပူးပေါင်းရင်းမြစ်များ

2 Minwiinzannu 25:3

Moné yi sɔraziɛnzan nya, lɔrɔ dɔ fla plɛplɛ yé ana munu lé buru ’ka lo.

JOB (Job) 5:20

É dan i si lɛ ga lee, lɔrɔ dɔbléyi va, É dan i takuun lɛ gwɔun lee, gulidanbléyi va.

Lɛrɛvɔ Sɛbɛ 37:19

Yara ’ka dan wo gyɛ lɛ we tɔntɔn bɔyi nya lo. Yé lɔrɔ dɔbléyi va wo dan kan lɛ.

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Wegɔnévɔlenu 16:7

Dé mi giébɛ sɔ Gakelebale lɛ, dé é a a nyanézan boen nyaoo, Bale éé yee valé ’bɛ kɛla mi do.

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Ézai 33:16

Mi ’ko, é dan nyana lɛ fɛna nwale na; gɔlɛ plɛplɛ é dan kɛlɛ lɛ a yɔɔna nya. Wo dan fɛblele nɔ lɛ a lɛ, wo dan ’yi nɔ lɛ a lɛ, é ta nya drɔɔ.

Jérémi 20:2

Yé Pasuu balelayezan Jérémi bla, yé é a vɔ bokɔn lé é ke é dɔle Bale lé kɔn gɔrɔ ’léé lé wa laama Bɛnjamɛn, ’té é ke loru zia bɛ, a sɔnɔ, a gi.

Jérémi 32:2

Babilɔn nwiinzan blɛn lé sunyanu diri Jérusalɛm zi, ’té balelayezan Jérémi a bokɔn lé é ke Juda nwiinzan lé kɔn gi bɛ, a gɔrɔ gi.

Jérémi 32:8

Yé an bu bwe be Anaméɛl da an va bokɔn lé gɔrɔ gi, Gakelebale dére yɛrama, yé é lé an lɛ léé: Anlé féi lé ke Anatɔt, Bɛnjamɛn tɛrɛ la bɛ, bé lɔ, naa, a tabo se a bii ɛ lɛ. Bé lɔ. Dé é a fe a zo, maa a ye léé, dére ’ko a Gakelebale dére nya.

Jérémi 33:1

Gakelebale we fe Jérémi lɛ a gɔnɔ fiézan nya, bléyian va lé é a tan bokɔn gi, a bléyi va, yé é léma:

Jérémi 38:13

Wo Jérémi gana bawɔrɔnu nya, yé é si ’yiguru gi, yé é vo bɔkɔn gɔrɔ gi.

Jérémi 38:28

Jérémi vo bokɔn gɔrɔ gi fɔɔ yé Babilɔn munu Jérusalɛm si.

Jérémi 38:6

Yé wo Jérémi si yé wa zun minwiinzan blɛn be Malkija lé ’yiguru lé é ke bokɔn gɔrɔ gi, a gi; wo Jérémi zun a gi bawɔrɔ nya. ’Yi do kpen ’ka ’yiguru gi lo, naa, voli ɛ ke ana, yé Jérémi vɔ voli gi.

Jérémi 38:9

Oo, minwiinzan blɛn, anzan, munu lé wo ’bɛ zoɛ we kɛlɛ balelayezan Jérémi lɛ yé wa vɔ ’yiguru gi bɛ, wo wenaané kɛlɛ. É dan ga lɛ lɔrɔ nya ’bɛna, naa, buru do ’ka vo lɛ é dɛrɛ fla lo,

Jérémi 52:6

A moné ziɛnzan lé yi sɔraziɛnzan nya, lɔrɔ dɔ fla plɛplɛ, yé ana munu ’ka fɛblele ye lɛ lo.

Jérémi Lé Wuvɔ Sɛbɛ 5:10

Ko kɔlɛ kyɛ a blena bélé ’furu gi kyɛ zo, Lɔrɔ blɛn lé we ma.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Kelewenu 12:5

Sunyanu vo ’wo yuɛ pana Piɛri ta bokɔn gi yé léglizigimunu ’ka daan lɛ a ma bazorole ma Kazambale lɛ lo.

Kelewenu 24:27

’Ko zo lé lɛɛ fié gié, yé Pɔɔkius Fɛsitus dɔ Félis pa gi. É sɔ Félis lɛ léé, ’é Juifinu gi nana, amalé é Pɔl vo bokɔn gi.

Kelewenu 28:16

Ko bɔ aan wo Rom, yé wo zi nɔ Pɔl lɛ léé, yee valé é tabin sunya, ’wo nyana kɔn do gi é yɛrama.

Kelewenu 28:30

Pɔl lɛɛ fié lɛ sɔɔ kɔn do lé é a banwo, a gi. Munu faa lé woo dan a va, éé wo sié.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 6:20

Wenéné ’ko lé we ma lé gɔgɔbale a maa Kazambale bɛgizan ma. ’Ka laa Bale lee léé, maa a fe an fuu nya an ta, é a lé maa fe fɛan zo, a zo ma.

2 Timoté 1:8

Bɛwemalé té yara i gyɛ Kaazan lé we fele ma monomono lo; té yara i gyɛ maa alé bokɔngizan lé we ma lo. Naa, ’i nyané ble an va Wenéné lé we ma Kazambale lé plɛplɛ nya ma.

2 Timoté 2:9

An nyané ble alé we ma fɔɔ yé wo an yere bélé wenyanékɛlɛzan zo. Naa, Kazambale dére ’ka é yerele lo.