Jérémi 37:17 - Kazambale lé Sebe Sauunu 1979

¹⁷ Minwiinzan blɛn Sédésias mi pa zia Jérémi sina bokɔn gi, yé é we laa a lee kyeen gi élé kɔn gi léé: Gakelebale we do fee? Jérémi a zi pa léé: Iin. É léma: Wo dan i pa lɛ Babilɔn munu nwiinzan blɛn lee.

Jérémi 37:17 ပူးပေါင်းရင်းမြစ်များ

1 Minwiinzannu 22:15

É bɔ minwiinzan blɛn va aan wo, minwiinzan blɛn lé a lɛ léé: Misé, ko go guli dan Ramɔt lé ke Galaad tɛrɛ la, a va, laa, taa, ko diéraa? É a zi pa a lɛ léé: ’I go, a ’wuo é dan vo lɛ i lɛ yé Gakelebale é dan a pa lɛ minwiinzan blɛn lee.

1 Minwiinzannu 22:16

Yé minwiinzan lé a lɛ léé: É a lé maa a fe i lɛ gɔnɔ nɔɔ, léé, ’i bale ’nyɔɔn léé, i dan webozen saa ɛ fe lɛ an lɛ Gakelebale tɔ gii?

2 Minwiinzannu 25:7

Wo Sédésias benu bɔrɔ bo é yuɛ va; a zuo wo Sédésias yuɛnu so yé wo zénégɔgɔbale vɔ a ma, yé wo go a nya Babilɔn.

Jérémi 15:11

Gakelebale léé: Webozen lé, izé é dan kɛlɛ lɛ néné é voéla; webozen lé, maa dan glawe kɛlɛ lɛ i nyanézan lɛ yé é dan é ’wuo wɔra lɛ i gane wuo, we tɔntɔn bɔbléyi valé kleblebléyi va.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 24:8

Gakelebale léé: Juda nwiinzan blɛn Sédésias koo, wo nwiinzannu koo, Jérusalɛm munu pɔné lé wo vo tɛrɛ ’ko la koo, munu lé woo nyanaa Éjipiti tɛrɛ la koo, maa dan wo kɛlɛ lɛ bélé bɔrɔyiliporo naanénu lé mi ’ka bɔa wo blele lɛ wo naané lé we ma lo, wo zo.

Jérémi 25:35

Munu pazannu vɔzifɛ ’ka é dɛrɛ lo. Zi gɔɔn trubɛ lɛzannu siéwegifɛ ’ka é dɛrɛ lo.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 38:5

Minwiinzan blɛn Sédésias a zi pa léé: Ka ye, é a ka lee; naa, minwiinzan blɛn ’ka bɔa we do kɛlɛle lɛ ka lɛ lo.

Jérémi 52:8

Naa, Kaldémunu lé sunyanu minwiinzan blɛn zuo bin yé wo bɔ a ma Jériko lé fɛna pɛblɛɛna, yé alé sunyanu kini ékema a ma.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

Mi Nɔnɔle 23:17

É da a va, ’té Balak a é dɔle élé balebanwi lé wa kyɛ blé, a sɔnɔ, yee valé Moab minwiinzannu nya. Balak lé a lɛ léé: Mɛ we lé Gakelebale a fe i lɛɛ?