Jérémi 36:9 - Kazambale lé Sebe Sauunu 1979

⁹ Juda munu nwiinzan blɛn Jozias be Jojakim plale mi nwiin lɛɛ soruzan nya, a moné sɔraziɛnzan nya, wa zana dɔɔ léé, Jérusalɛm munu faa koo, Juda munu faa lé wo si ’wolé flanu ta yé wo da Jérusalɛm, wo koo, ’wo lɔrɔ sɔn Gakelebale lɛ.

Jérémi 36:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Néémi 9:1

’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Jérémi 36:1

Juda munu nwiinzan blɛn Jozias be Jojakim plale mi nwiin lɛɛ ziɛnzan nya, Gakelebale we fe Jérémi lɛ yé é léma:

Jérémi 36:22

Minwiinzan blɛn a é nyanale dunu?-?kelekɔn gi moné sɔraziɛnzan nya, ’té kyɛ éé blé kyɛnyɛ zéngifɛ lé ke é dɔrale a ’lé, a gi.

Jérémi 36:6

Biibozen é dan go lɛ yé Gakelebale dére lé maa fe yé bé gyɛ sɛbɛ ta, bé ta fe wo lɛ. Bé ta fe munu lɛ Gakelebale lé kɔn gi, lɔrɔ sɔn yi nya. Yé Juda munu faa lé wo si wolé flanu ta yé wo da bɛ, bé ta fe é ziin ’bɛnu lɛ.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:14

’Ka lɔrɔsɔnle valé zén‐ékeva plɛplɛ zana dɔɔ. ’Ka mi segelenu valé tɛrɛ ’ko la munu faa zén ékeva Gakelebale, kalé Bale lé kɔn gi, Yé ’ka siaa Gakelebale lɛ.

Lévinu 23:27

Moné sɔrafiézan ’ko lé yi vuzan nya, é a wenyané ’yiboyi nya; ka dan zénle ékeva plɛplɛ kɛlɛ lɛ, yé ka dan kabo kɛlɛ lɛ kiéné, yé sarakanu lé wa kyɛ blé, ka dan wo bo lɛ Gakelebale lɛ.

Jonas 3:5

É dɔ Ninive munu gi léé, Bale dére a weboen nya, yé wo lɔrɔ sɔnle zana dɔɔ yé wo bɔlɔ zén ’wo ta, é sia mi segelenu ma yé é bɔ nunukénénénu ma, wo faa lé.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.