Jérémi 36:7 - Kazambale lé Sebe Sauunu 1979

⁷ Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 36:7 ပူးပေါင်းရင်းမြစ်များ

2 Minwiinzannu 22:13

’Ka go, sɛbɛ lé wa ye, ’ka a gi dére tawe laa Gakelebale lee, maa koo, munu koo, Juda faa koo, kolé we ma; naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

Jérémi 1:3

Yé é ziin, Jozias be Jojakim lé ke Juda munu nwiinzan blɛn nya, a plale mi nwiin bléyi va, Gakelebale we ’konu fe a lɛ fɔɔ yé é bɔ Juda munu nwiinzan blɛn Jozias be Sédésias plale mi nwiin lɛɛ vu ta dozan lé moné soruzan ma, yé é nyaa bléyian va lé wo go Jérusalɛm munu nya luu gi, a bléyi va.

Jérémi 16:10

Dé i we ’konu faa fale vɔ munu ’ko lɛ, wo dan a fe lɛ i lɛ léma: Mɛmalé Gakelebale bon‐ɛn ko nya a fele nya léé, ’é we tɔntɔn blɛn ’konu bɔa ko maa? Mɛ weple lé ko kɛlɛɛ? Mɛ wenyané lé ko kɛlɛ Gakelebale, kolé Bale maa?

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 25:5

Yee balelayezannu léma: ’Kaa faa do do, ’ka si ka kɛlɛwe naané valé ka kɛlɛwe nyanénu zuo, yé ka dan nyana lɛ tɛrɛ lé maa a nɔ ka valé ka tranu lɛ, a ta, ’té ’bɛ glɛ ’ka dɔa lo.

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 37:20

Sin, anzan minwiinzan, ilé zanté, ’i tɔné dɔ an lɛ. ’I anlé dunuvɔmadére nyi si. Té i an pa zia sɛbɛgyɛzan Jonatan lé kɔn gi é ziin lo, dé an da ga ’bɛna.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 12:3

Naa, bii blami be, ’ilé tawo kɔné ma’lɛrɛ yé ’i zi sia é yiéyi wo yuɛ va. I a fɛana bɛ, ’i si ’bɛna yé ’i go fɛ bɛna. Naa, dé wo dan a ye lɛ léé, ’wa tɔnégiplɛplɛzannu nyaa?

Ézékiɛl 13:13

Bɛwemalé, Mizan Gakelebale léma: An wɛwɛ dɔle zi, maa dan fu ’lɛ plɛplɛ gié lɛ; anlé bliflile zi maa dan lɛɛ plɛplɛ da lɛ; yé an dan goowɔlɛlɛɛ punpunnu dia lɛ an wɛwɛ dɔle nya léé, ’é fɛ sɛrɛ.

Ézékiɛl 20:33

Mizan Gakelebale léma: Maa a é yuɛma. Maa dan pla lɛ ka nwiin an bɛ plɛplɛ valé an bɛ soile nya, ’é valé an wɛwɛ dɔle nya ka ma.

Ézékiɛl 22:20

Fɛan zo lé gɔɔlifu koo, zéné koo, foliɛwɔlɛ koo, lɛe koo, tini koo, woo wo zén‐é ékeva fɛselebɔ gi, ’té woo kyɛ fɛɛan wo wuo wo selele we ma bɛ, a zo duo lé maa dan ka zén lɛ ékeva an bli flile valé an wɛwɛ dɔle nya ka ma, yé maa dan ka zén lɛ fɛselebɔ gi ka selele we ma.

Ézékiɛl 5:13

’Bɛ zo lé anlé bliflile lɛ é dan sɔɔ lɛ; an wɛwɛ é dan dɔ lɛ wo ma faa, yé an bli é dɔrala, yé wo dan a gi dɔɔ lɛ léé, maa Gakelebale, an we fe bliflile nya, yé an wɛwɛ dɔ ’wo ma.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

Daniɛl 9:18

Anzé Bale, ’i an ban i tɔné nya; ’i tɔné dɔ an lɛ; ’i yuɛ fuo yé ilé fla lé é vo é ’bin nya, bé nagini. Fla lé wo i tɔ laan ana, bé nagini. É ’ka lé ko a tegele amalé ko a zanté vɔna i lɛ lo; i nyanai zénle blɛn lé we ma lé ko a kɛlɛna.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Jonas 3:8

É a lé munu valé winu é bɔlɔ zén ’wo ta, yé ’wo siaa Bale lɛ dére plɛplɛ nya. Yé weplenu valé glawenu lé wa kɛlɛ, ’wo faa daan ’bɛ kɛlɛle ma.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?