Jérémi 36:4 - Kazambale lé Sebe Sauunu 1979

⁴ Jérémi Nérija be Baruk laa, yé we faa lé Gakelebale a fe Jérémi lɛ, é a fe Baruk lɛ, yé ’bɛ a gyɛ sɛbɛ ta.

Jérémi 36:4 ပူးပေါင်းရင်းမြစ်များ

Ézai 30:8

Sin, ’i go, ’i we ’konu gyɛ gɔlɛfee ta wo yuɛ va. ’Bé guru vɔ é zima, léé, ’wo vo tɛlɛ tɛlama zé nya, lɛɛfaama, té a glɛ é dɔ lo.

Ézai 8:1

Gakelebale lé an lɛ léé: ’I gɔlɛfee blɛn do si yé bé gyɛ a ta wéiin léé: ’Ka go fɛ si gla nya fiéfié; ’ka ’wii gulizarafɛ ta.

Jérémi 25:13

We faa lé maa a fe tɛrɛ ’ko ma koo, we faa lé ke é gyɛle sɛbɛ ’ko gi koo, we faa lé Jérémi a fe balelawefele nya bɛnnu ’ko ma koo, maa dan a bɔ lɛ tɛrɛ ’ko ma.

Jérémi 30:2

Gakelebale Izraɛl lé Bale léma: Dérenu faa lé maa a fe i lɛ, ’i wo gyɛ sɛbɛ do la.

Jérémi 32:12

Yé an yee féilɔsɛbɛ vininzan ’ko nɔ Maséja be Nérija be Baruk lɛ, an bu bwe be Anaméɛl koo, wenayemunu lé wo wo tɔ gyɛ féilɔsɛbɛ ta koo, Juifinu faa lé wo ke bokɔn gɔrɔ gi koo, wo faa yuɛ va.

Jérémi 36:14

Yé minwiinzannu faa Kusi be Sélémia be Nétania be Jéudi pa zia Baruk va léé, ’wa fe a lɛ léé: Sɛbɛ lé bé ta fe munu lɛ bɛ, bé si yé i da a nya. Nérija be Baruk yee sɛbɛ si, yé é da a nya wo lɛ.

Jérémi 36:21

Minwiinzan blɛn Jéudi nwunvɔ yee sɛbɛ sina. Jéudi a si sɛbɛgyɛzan Élisama lé fɛna yé é a ta fe minwiinzan blɛn valé minwiinzannu faa lé ke minwiinzan blɛn va bɛ, wo lɛ.

Jérémi 36:23

Jéudi sɛbɛ ta fe; dé é a laa yaa valé ziɛn ta fe tɔɔn, minwiinzan blɛn sɛbɛ bɔi sɛbɛgyɛzan lé sɛnnéné nya yé é a vɔ kyɛ lé é ke é nyanale a zi, a va; é kɛlɛ a zo fɔɔ yé a faa kyɛ ble.

Jérémi 36:26

Minwiinzan blɛn lé é be Jérasméɛl koo, Azriɛl be Séraja koo, Abudɛɛl be Sélémia koo, wo lɛ léé, ’wo sɛbɛgyɛzan Baruk valé balelayezan Jérémi kun. Naa, Gakelebale wo yɔɔ.

Jérémi 36:27

Sɛbɛ lé Baruk a gyɛ Jérémi dére yɛrama, minwiinzan blɛn a kyɛ ble aan wo, Gakelebale we fe Jérémi lɛ léé:

Jérémi 36:28

’I sɛbɛ dɛrɛ bɛ si, yé dére faa lé é ke é gyɛle sɛbɛ vininzan lé Juda nwiinzan blɛn Jojakim a kyɛ ble bɛ, a gi, ’i yee dére duo gyɛ.

Jérémi 36:32

Jérémi sɛbɛ dɛrɛ bɛ si yé é a nɔ sɛbɛgyɛzan Nérija be Baruk lɛ. Dére faa lé é ke é gyɛle sɛbɛ lé Juda nwiinzan blɛn Jojakim a kyɛ ble bɛ, a gi, Baruk a dɛrɛ gyɛ Jérémi dére yɛrama. Yé wa taa pa ’bɛ zoɛ dére kiɛre nya é ziin.

Jérémi 36:6

Biibozen é dan go lɛ yé Gakelebale dére lé maa fe yé bé gyɛ sɛbɛ ta, bé ta fe wo lɛ. Bé ta fe munu lɛ Gakelebale lé kɔn gi, lɔrɔ sɔn yi nya. Yé Juda munu faa lé wo si wolé flanu ta yé wo da bɛ, bé ta fe é ziin ’bɛnu lɛ.

Jérémi 43:3

Naa, Nérija be Baruk ɛ i bli nwa ko ma léé, wo ko nɔ Kaldé munu lɛ yé wo ko gyɛ; dé ’bɛ kaan lo, wo go ko nya luu gi Babilɔn tɛrɛ la.

Jérémi 51:59

Balelayezan Jérémi we do bɛ pa Maséja be Nérija be Séraja lee, bléyian va lé wo go Babilɔn Judanu nwiinzan blɛn Sédésias nya, Sédésias plale munu nwiin lɛɛ ziɛnzan nya, ’bɛ bléyi va. Naa, Séraja a Sédésias leemunu nwiinzan nya.

Jérémi 51:60

We tɔntɔnnu faa lé wo dan bɔ lɛ Babilɔn ma, é valé Babilɔn ma dérenu faa lé ke é gyɛle, Jérémi wo gyɛ sɛbɛ do ta.

Ézékiɛl 2:9

Maa a nagini, ’té mi bɛ do a é soile an vazia, ’té sɛbɛ plinle do a a lee.

Daniɛl 7:1

Babilɔn minwiinzan blɛn Bɛlsasaa plale mi nwiin lɛɛ vininzan nya, Daniɛl nyɛ gyɛ yé é yuɛziwenu ye, ’té é a é yiale. ’Bɛ zuo yé é yee nyɛ gyɛ sɛbɛ ta, yé é a va we blɛnnu zuo fe.

Zakari 5:1

An yuɛ vɔ loru é ziin yé maa nagini, yé maa sɛbɛ plinle do ye, ’té éé sié.

Rom munu 16:22

Maa, Tɛɛtius lé an ke sɛbɛ ’ko gyɛna bɛ, an we ka va Mizan gi.