Jérémi 36:3 - Kazambale lé Sebe Sauunu 1979

³ Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 36:3 ပူးပေါင်းရင်းမြစ်များ

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 139:24

Bé nagini, dé maa a zi naané taa? Yé ’i go an nya vole é yuɛma lé a glɛ ’ka lo, alé zi ta.

Ézai 6:10

’I wo bli lɛ tan; ’i wo tɔné la vo, yé ’i blala pa wo yuɛ la, léé, té wo yuɛ é fɛna ye lo, té wo tɔné é we ’ma lo, té we ginin é dɔ wo gi lo, té ’wo bli nɔla yé ’wo béli lo.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Ézékiɛl 12:3

Naa, bii blami be, ’ilé tawo kɔné ma’lɛrɛ yé ’i zi sia é yiéyi wo yuɛ va. I a fɛana bɛ, ’i si ’bɛna yé ’i go fɛ bɛna. Naa, dé wo dan a ye lɛ léé, ’wa tɔnégiplɛplɛzannu nyaa?

Ézékiɛl 18:23

Mizan Gakelebale léma: Mi nyané gale sɔ an lɛɛ? Alé tawobɛ nɔlale yé é vo é yuɛma, ’bɛan ’bɛ sɔ an lɛ loo?

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Matio 13:15

Munu ’ko gi nyɛ ’ka kinié lo; Wo ’wo tɔné lɛ tan, dé ’wo da we ’ma ’wo tɔné nya; Wo ’wo yuɛ lɛ tan, dé ’wo da fɛ ye ’wo yuɛ nya; Wo we ’ko kɛlɛ, léé, dé ’wo da we ’ma ’wo bli gi, Dé ’wo da ’wo bli nɔla, yé maa ’wo béli.

Maak 4:12

léé, dé wa nagini, wo ’ka a yé lo; yé dé wo tɔné dɔ, wa maan, naa, wo ’ka a gi maan lo; dé wo da ’wo bli nɔla yé Bale é wo ma we vo.

WENÉNÉ LÉ LUK A GYE (Évangile selon Luc) 20:13

Dɔrɔféizan léé: Maa dan a kɛlɛ lɛ kaa? An be lé é sɔ an lɛ, maa dan ’bɛ nwunvɔ lɛ; naa, dé wo dan ’bɛ lɛdɔ lɛ a maa?

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Kelewenu 28:27

Munu ’ko gi nyɛ ’ka kinié lo. Wo tɔné gi a plɛplɛ, dé wo da we ’ma wo tɔné nya. Yé wo ’wo yuɛ lɛ tan, dé wo da fɛ ye ’wo yuɛ nya. Wo we ’ko kɛlɛ, dé wo da we ’ma ’wo bli gi, Dé wo da ’wo bli nɔla, yé maa wo béli.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Bélidɔwesɛbɛ Fiézan 30:2

dé ka da Gakelebale va é ziin, dé ka a dére lɛdɔma ka bli faa valé ka boen faa nya, ka valé kalé nénu nya, we faa lé maa a fe ka lɛ kyɔ, a yɛrama,

Bélidɔwesɛbɛ Fiézan 30:8

Yé ’kaa, ka dan da lɛ Gakelebale va, yé ka dan a dére lɛdɔ lɛ a ma, yé a sɔnnénu faa lé maa wo fe ka lɛ kyɔ, ka dan wo pa lɛ.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.