Jérémi 36:29 - Kazambale lé Sebe Sauunu 1979

²⁹ I Juda nwiinzan blɛn Jojakim mawe fe ’ko zo léma: Gakelebale léma: I sɛbɛ ’ko kyɛ ble, yé i léé, mɛmalé bé gyɛ sɛbɛ la léé, Babilɔn nwiinzan blɛn é dan da lɛ yé é dan tɛrɛ ’ko sɛrɛ lɛ tata, yé a tamunu valé a tawinu ta é dan saan lɛɛ?

Jérémi 36:29 ပူးပေါင်းရင်းမြစ်များ

JOB (Job) 15:24

Kleblele valé nyané blɛn blele éé di kinié a gi; Woo bɔa a ma bélé minwiinzan lé a ma ke é ’lɛrɛle guli danna, a zo;

JOB (Job) 15:25

Naa, é bɛ nwa Kazambale ma, ’bɛzama, Yé é nyana wo Plɛplɛfaazan va,

JOB (Job) 40:8

’I wo yɔɔ ékeva vun wuo, ’I wo yara yɔɔ gunutinu va.

Ézai 29:21

Munu lé woo we dɔa mi bɛnu nwiin weblena, ’té woo diaan dɔmizuozannu zi flagɔrɔ ’léé, ’té woo weanwiinlozannu lé se sié wo lee dabli nya, woo lé.

Ézai 30:10

Wa fé fɛnayezannu lɛ léé, té ka fɛna ye lo. Yé wo lé balelayezannu lɛ léé, té ka balelawe bozen fe ko lɛ lo; ’ka ko ginanawenu ɛ fe, ’ka balelawe fe ka ’wuoi é pla.

Ézai 45:9

Tɛrɛbɔnu va tɛrɛbɔ do Éé za kɛla ’é dɔzan vaa? Bɔtɛrɛ a fé ’é dɔzan lɛ léé: I a mɛ kɛlɛnaa? Fɛ a fé ’é kɛlɛzan lɛ léé: I bɛ ’ka loo?

Jérémi 21:10

Naa, Gakelebale léé: Maa an yuɛ vɔa fla ’ko ta wenaané kɛlɛle a lɛ we ma; wezin kaan lo. Maa dan a nɔ lɛ Babilɔn nwiinzan blɛn lɛ, yé é dan a kyɛ ble lɛ.

Jérémi 25:13

We faa lé maa a fe tɛrɛ ’ko ma koo, we faa lé ke é gyɛle sɛbɛ ’ko gi koo, we faa lé Jérémi a fe balelawefele nya bɛnnu ’ko ma koo, maa dan a bɔ lɛ tɛrɛ ’ko ma.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 28:8

Balelayezannu lé wo bɔra bii valé maa ’lɛ, kaa tranu bléyi va, wo balelawe fe tɛrɛ plɛplɛnu valé bɛngɔnɔ blɛnnu ma léé, gulidanle koo, we tɔntɔn valé migyɛgyɛ koo, wo dan bɔ lɛ wo ma;

Jérémi 32:3

Juda nwiinzan blɛn Sédésias Jérémi vɔ bokɔn gi a fele nya léé: Mɛmalé i balelawe fe léé: Gakelebale léma: Bé ye, maa fla ’ko pa Babilɔn nwiinzan blɛn lee, yé é dan a si lɛ;

Jérémi 33:12

Lai sunyanu lé Gakelebale léma: Fɛkona lé ke bwi nya, ’té munu valé winu ’ka ana lo, ’blatabinzannu nyanananu é dan kɛlɛ lɛ ana fla faa la, ’té woo wolé trubɛnu yiaan ana.

Jérémi 36:23

Jéudi sɛbɛ ta fe; dé é a laa yaa valé ziɛn ta fe tɔɔn, minwiinzan blɛn sɛbɛ bɔi sɛbɛgyɛzan lé sɛnnéné nya yé é a vɔ kyɛ lé é ke é nyanale a zi, a va; é kɛlɛ a zo fɔɔ yé a faa kyɛ ble.

Kelewenu 5:28

Ko ’ka a yi ga lɛ ka lee wéiin léé, té ka we paa munu gi tɔ ’ko nya lo loo? Yé ka ye, ka kalé wepaale sɔɔla Jérusalɛm woro dii fɛfaana, yé ka a a va léé, ka mi ’ko nyɛwe dɔ ko nwiin.

Kelewenu 5:39

Naa, dé é si Kazambale va ka ’ka bɔa a yi gale lɛ lo. Té ka bli si kabo lɛ yé ka guli dan Kazambale va lo.

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.