Jérémi 36:26 - Kazambale lé Sebe Sauunu 1979

²⁶ Minwiinzan blɛn lé é be Jérasméɛl koo, Azriɛl be Séraja koo, Abudɛɛl be Sélémia koo, wo lɛ léé, ’wo sɛbɛgyɛzan Baruk valé balelayezan Jérémi kun. Naa, Gakelebale wo yɔɔ.

Jérémi 36:26 ပူးပေါင်းရင်းမြစ်များ

1 Minwiinzannu 17:3

’I si ’ko, ’i go yirinwanazia yé ’i yɔɔ Kérit yuubɛ lé ke Juudɛn yara, ana.

1 Minwiinzannu 17:9

’I nwa, ’i go Sarɛpita lé ke Sidɔn lé fla nya, ana, yé ’i nyana ana. Bé ye, maa fla ’ko la zanagala le do béli dɔ léé, ’é fɛ nɔ i lɛ.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 19:14

É a zi pa léé: Maa Gakelebale, lai sunyanu lé Bale, lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi, yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 22:26

Izraɛl nwiinzan blɛn léé: ’Ka Misé si yé ’ka goan flazan Amon valé minwiinzan blɛn be Joas va.

2 Minwiinzannu 11:2

Naa, Akazia buru, minwiinzan Joram lu Joséba, é Akazia be Joas si kyeen gi, minwiinzan benu lé wo wo gyɛ, wo méléna; yé é a nɔ é pazan lɛ yé wo yɔɔ yialafɛ tadɔkɔn gi. ’Bɛ zo léé, wa yɔɔ Ataali lee, yé wo ’ka a gyɛ lɛ lo.

2 Minwiinmunu lé Wezuofe Sɛbɛ 18:26

’Ka fe léma: Minwiinzan blɛn léma: ’Ka mi ’ko vɔ bokɔn gi, yé ’ka nyané ble buru valé ’yi nɔ a lɛ fɔɔ yé maa da é ziin drɔɔ.

Lɛrɛvɔ Sɛbɛ 105:15

Yé é léé: Té ka bɛ mane munu lé an nyɔnɔ zén wo nwiin, wo ma lo, Té ka wenaané bɔ anlé balelayemunu ma lo.

Lɛrɛvɔ Sɛbɛ 121:8

Gakelebale é dan i gole valé i dale tabin lɛ, A pélisia sin bléyi ’ko va fɔɔ yifaama a glɛ ’ka lo.

Lɛrɛvɔ Sɛbɛ 27:5

Naa, é dan an takuun lɛ élé kɔn gi we tɔntɔn bɔyi nya, É dan an yɔɔ lɛ élé kɔn gi, É dan an dɔ lɛ gɔlɛ ta loru.

Lɛrɛvɔ Sɛbɛ 32:7

Bii a an yɔɔna nya, i an ta béli dɔ kleblele lee. I an zi lɛ sɔɔan guliwuo vo lɛ lɛrɛnu nya. Ka ye do.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 64:2

Baleoo, Bale, dé maa a dunnuna, ’i tɔné dɔ an dére lɛ. Maa a kanana an nyanézannu lee, ’i an takuun wo lee,

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Ézai 26:20

Anlé munu, ’ka go kalé kɔn gi, ’ka kɔn lɛ tan ka zuo; ’ka yɔɔ bléyi sɛ nya, fɔɔ yé bliflile é gié.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 26:24

Naa, Safan be Asikam bɔ Jérémi va, yé é a ta béli dɔ léé, té wa pa munu lee, wolé a gyɛle we ma lo.

Jérémi 36:19

Minwiinzannu lé Baruk lɛ léé: ’I go, bii valé Jérémi ’é yɔɔ. Té mi do kpen é ka yɔɔna ye lo.

Jérémi 36:5

Yé Jérémi we fe Baruk lɛ léé: We do bɔ; an ’ka bɔa gole lɛ Gakelebale lé kɔn gi lo.

Jérémi 38:6

Yé wo Jérémi si yé wa zun minwiinzan blɛn be Malkija lé ’yiguru lé é ke bokɔn gɔrɔ gi, a gi; wo Jérémi zun a gi bawɔrɔ nya. ’Yi do kpen ’ka ’yiguru gi lo, naa, voli ɛ ke ana, yé Jérémi vɔ voli gi.

WENÉNÉ LE JAN A GYE (Évangile selon Jean) 11:57

Yé Balebanmunu segelenu valé Farizimunu munu béli dɔ léé, fɛana lé é ke, dé mian é a gi dɔɔ, ’é a fe, yé wa kun.

WENÉNÉ LE JAN A GYE (Évangile selon Jean) 7:32

Gun lé munu ke a gyɛna Jézu ma, Farizimunu a ’ma. Yé Balebanmunu segelenu valé Farizimunu sunyanu pa zia a kunna.

WENÉNÉ LE JAN A GYE (Évangile selon Jean) 8:20

Bléyian va lé Jézu a we paana munu gi Balebangikɔn gi, fɛana lé gɔɔlizéngi kɛsu ke ana, ’té éé dére ’konu fé. Azé bléyi ’ka tan bɔ lɛ lo, bɛwemalé mi do ’ka a kun lɛ lo.

WENÉNÉ LE JAN A GYE (Évangile selon Jean) 8:59

’Bɛ ta lé wo gɔlɛnu sia léé, wa vuli a va, naa, Jézu ta saan yé é bɔra Balebangikɔn gi.

Kelewenu 12:11

Piɛri bɔn gi kini aan wo yé é léma: Maa a ye sin léé, Mizambale élé lanje pa zia webozen nya yé é an si Érɔd lee, yé we faa lé Juifinu ke a lɛbɛnna, é an si ’bɛ faa lee.