Jérémi 34:9 - Kazambale lé Sebe Sauunu 1979

⁹ Munu faa wolé luugɔné valé luudané vo wobo ma; dé é a Ébru gɔné nyaoo, dé é a Ébru gɔné na nyaoo, ’wo vo wobo ma, yé té mi do kpen é bwe Juifi mi vo ézé luu nya lo.

Jérémi 34:9 ပူးပေါင်းရင်းမြစ်များ

Wepélisiananu 14:13

Yé vlanburuzan do da yé é a zuo fe Ébru mi Abram lɛ. Mi ’ko a é nyanale Mamré lé sɛnéyilinu méléna. Mamré a Amoré mi nya. Yee koo, a bwe Esikɔl koo, a zuané Anɛɛ koo, wonu ɛ gi pa do Abram va.

Wepélisiananu 40:15

Naa, wo an si Ébrunu lé tɛrɛ la gla nya yé fɛkona boenwo, maa ’ka we do kpen kɛlɛ lɛ an vɔle bokɔn gi we nya lo.

Fwile 2:6

É a lɛ so yé é né ye; négɔnéné lé ke wuvɔna, yee lé. A nyanai zén a ta yé é léé: Ébrunu lé né do lé.

Fwile 3:18

Wo dan tɔné dɔ lɛ i dére lɛ; yé i dan go lɛ Éjipiti mununwiinzan blɛn va, bii valé Izraɛl mi segelenu nya, yé ka dan a fe lɛ a lɛ léé: Gakelebale, Ébru munu lé Bale bɔra ko va. ’I zi nɔ ko lɛ léé, ’ko yi yaa tawo nyéné la sarakanu bole Gakelebale, kolé Bale lɛ we gi.

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 30:8

Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

Jérémi 34:10

Minwiinzannu valé munu faa lé wo dére pa do we ’ko gi, wa nyi si léé, wo faa do do ’wolé luugɔné valé luudané vo wobo ma, léé, té wa vo é dɛrɛ luu gi lo we gi. Wo dɔ dére ’ko ta yé wo daan wo ma.

1 Korent munu 6:8

Naa, kanu ɛ ke weple kɛlɛna, kanu ɛ ke mi tablena, yé ka bwenu lɛ lé ka ke a kɛlɛna.

2 Korɛnt Munu 11:22

Wo léé, ’wa Ébrunu nyaa? Yé maa nii? Wo léé, ’wa Izraɛlnu nyaa? Yé maa nii? Wo léé, ’wa Abraam kulunu nyaa? Yé maa nii?

Bélidɔwesɛbɛ Fiézan 15:12

Dé i bwe Ébru mi do ébo dɔ i lee, dé gɔné léé, dé le léé, é dan ilé nyanama pa lɛ lɛɛ suiɛdo; naa, lɛɛ sɔrafiézan nya, i dan a vo lɛ éboma.

Filip munu 3:5

wo an gane dɔ an yi sɔraazan nya; wo an yaa Izraɛl mi nya, Bɛnjamɛn gɔnɔlazan nya, Ébru mi lé wa yaa Ébru mi ma, a nya; dé é a bélidɔwe zé nya, maa a Farizimi nya;

1 Samuɛl 14:11

Wo fiénu wobo ta bɔra Filisitinu lé gulimabɛnna yé Filisitinu léé: Ka yua, Ébrunu bɔra wo yɔɔna gurunu gi.

1 Samuɛl 4:6

Filisitinu wo siaale ’ma yé wo léé: Siaale plɛplɛnu lé ke Ébrunu lé sɔkɔn dɔna, wo gi lé nɔɔ? Yé wa ’ma léé, Gakelebale lé kɛsu da sɔkɔn dɔna.

1 Samuɛl 4:9

Filisitinu, ’ka dɔ plɛplɛ yé ’ka kɛlɛ gɔné nya, dé Ébrunu é da pla ka nwiin bélé fɛan zo lé ka pla wo nwiin a zo; ’ka kɛlɛ gɔné nya yé ’ka guli dan!