Jérémi 34:22 - Kazambale lé Sebe Sauunu 1979

²² Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 34:22 ပူးပေါင်းရင်းမြစ်များ

2 Samuɛl 16:11

Yé David lé Abisai valé é wuozanu faa lɛ léé: Ka ye, an be lé é si an bɔn gi, é a a va léé, ’é an gya ’naan, ’té Bɛnjamɛn mi ’ko nii? ’Ka a vo, ’é bale pa ma, naa Gakelebale ɛ fe a lɛ.

2 Minwiinzannu 25:6

Wo minwiinzan kun yé wo go a nya Babilɔn minwiinzan va, Ribla; yé wo alé we ble ’bɛna.

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Ézai 13:3

Anlé sunyanu lé maa wo si a va, an dére nɔ wo lɛ; anlé nyanazannu, anlé bliflile lɛsɔɔzannu, maa wo laa. Munu lé wo gi nana an blɛn ma, maa wo laa.

Ézai 24:12

Fla vo é pla, wo duolinu ’wii yé wo vo é wuli nya.

Ézai 37:26

I ’ka a gi dɔɔa léé, maa we ’konu ma’lɛrɛ ana mɔn Yé maa wo dɔ an bli gi é kwakwa loo? Sin, an bɔngiwe lɛ sɔɔ Amalé i fla plɛplɛnu guru zana a gi.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Ézai 64:10

Kolé kɔn sauun tɔbɔle lé ko tinu i tɔ ma gyɛ a gi, é kɛlɛ kyɛblefɛ nya; kolé fɛwezannu faa guru zana a gi.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 34:2

Gakelebale Izraɛlnu lé Bale léma: ’I go, bé fe Juda nwiinzan blɛn Sédésias lɛ léma: Gakelebale léma: Bé ye, maa fla ’ko pa Babilɔn nwiinzan blɛn lee. É dan a kyɛ ble lɛ.

Jérémi 38:23

Wo dan go lɛ ilé lomu valé ilé nénu faa nya Kaldémunu va; yé bii, i ’ka dan so lɛ wo lee lo. Babilɔn nwiinzan blɛn é dan i kun lɛ, yé wo dan fla ’ko kyɛ ble lɛ.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 52:7

Yé wo nyanémunu fla zi gɔrɔ ’wii. Gulidanzannu faa vɔ fli gi yé wo si fla é béli, minwiinzan blɛn lé zianféi zi lé, éé giéan fla zi gɔrɔ fiénu méléna, wo ’bɛ zi sia yé wo fɛna pɛblɛɛna zi sia. ’Té Kaldé munu a é dirile fla zi.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Zakari 1:12

Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Zakari 7:14

Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.