Jérémi 34:20 - Kazambale lé Sebe Sauunu 1979

²⁰ maa dan wo pa lɛ wo nyanézannu lé é sɔ ’bɛnu lɛ turu léé, ’wo wo gya, ’bɛnu lee, yé wo galenu é dan kɛlɛ lɛ lagi mianénu valé tɛrɛlawinu blefɛ nya.

Jérémi 34:20 ပူးပေါင်းရင်းမြစ်များ

1 Minwiinzannu 14:11

Dé Jéroboam lé mian é ga fla, blénnu é dan a ble lɛ, dé alé mian é ga féi, lagi mianénu é dan a ble lɛ. Naa, Gakelebale ɛ fe.

1 Minwiinzannu 16:4

Dé Baésa lé mian é ga fla, blénnu é dan a ble lɛ, yé dé alé mian é ga féi, lagi mianénu é dan a ble lɛ.

Lɛrɛvɔ Sɛbɛ 79:2

Wo i wuozannu galenu nɔ lagi mianénu lɛ Fɛblele nya, Wo ilé yarapawelazannu galenu nɔ tɛrɛlawinu lɛ;

Jérémi 11:21

Anatɔt munu lé é sɔ wo lɛ léé, wo i gyɛ, yé wo léé: Té i balelawe fe Gakelebale tɔ gi lo, dé ’bɛ kaan lo, ko i gya, Gakelebale we fe wo lɛ.

Jérémi 12:9

Anlé tɔnɔfɛ kɛlɛ an ma wiblemiané nya; é kɛlɛ glau nya; Yé é ziin wiblemianénu faa é dan si lɛ fɛfaana, yé wo péli vɔ a ma. ’Ka go, ’ka bwigiwinu faa zén ékeva, ’Ka da wo nya yé ’wo yee tɔnɔfɛ ble.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 22:25

Maa dan i nɔ lɛ munu lé é sɔ wo lɛ léé, wo ilé tɛrɛla nyaa, wo lɛ; munu lé i ma éé nyɔɔn‐an wo ’lɛ, wo lɛ, Babilɔn nwiinzan blɛn Nébukanɛsaa lɛ, Kaldé munu lɛ.

Jérémi 38:16

Minwiinzan blɛn Sédésias bale ’nyɔɔn Jérémi lɛ kyeen gi yé é léé: Gakelebale a é yuɛma; yee ɛ vole é yuɛma nɔ ko lɛ. Maa ’ka dan i gyɛ lɛ lo yé munu lé é sɔ wo lɛ léé, wo i gyɛ, maa ’ka dan i pa lɛ wo lee lo.

Jérémi 39:6

Babilɔn nwiinzan blɛn Sédésias benu bɔrɔ bo ’wo ti yuɛ va Ribla; yé Babilɔn nwiinzan blɛn Juda mi blɛnblɛnnu faa bɔrɔ bo.

Jérémi 4:30

Yé bii, fla sɛrɛle, i dan mɛ kɛlɛ lɛɛ? I dan sɔ sɔɔn zén lɛ i ta yé i kyanfɛnu vɔ i ma, I dan kale pa lɛ i yuɛ ma; Naa, dé ibo kɛlɛ é nɔnɔmioo, ’té ’bɛ a é pla; I bwɛnu serele bo i ma; É sɔ wo lɛ léé, ’wo i gyɛ.

Jérémi 44:30

Gakelebale léma: Ka ye, maa dan Éjipitinu nwiinzan blɛn Faraɔn Ofra pa lɛ a nyanézannu lee, munu lé é sɔ wo lɛ léé, ’walé tɛrɛla nyaa, wo lee, fɛan zo lé maa Juda nwiinzan blɛn Sédésias pa a nyanézan Babilɔn nwiinzan blɛn Nébukanɛsaa lee, a zo, ’té é sɔ ’bɛ lɛ léé, ’bɛ a gyɛ.

Jérémi 49:37

Yé maa dan Élam munu ma nyɔɔn lɛ wo nyanézannu lé, é sɔ ’bɛnu lɛ léé, ’wo wolé tɛrɛla nyaa, ’bɛnu ’lɛ. Yé Gakelebale léé: Maa dan we tɔntɔnnu bɔ lɛ wo ma, an bli flile baba we ma. Yé maa dan wo zuo bin lɛ gwɔun nya fɔɔ yé maa wo kulu ga.

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Ézékiɛl 23:28

Naa, Mizan Gakelebale léma: Bé ye, munu lé wo za ke i gi, maa i pa wo lee; munu lé i bli si wo lɛ, maa i pa wo lee.

Ézékiɛl 29:5

Maa dan i dia lɛ bwi gi, bii valé ilé yuunu va pɔ faa nya. I dan dia lɛ féinu ta; wo ’ka dan i nwa lɛ lo yé wo ’ka dan i sia lɛ lo. Maa dan i nɔ lɛ fɛblele nya tɛrɛlawinu valé lagi mianénu lɛ.

Ézékiɛl 32:4

Maa dan i vo lɛ tɛrɛ va, maa dan i vuli lɛ féi, yé maa dan lagi mianénu nyana lɛ i ta yé maa dan tɛrɛ faa la winu kan lɛ i wi nya.

Bélidɔwesɛbɛ Fiézan 28:26

Ka galenu é dan kɛlɛ lɛ la gi mianénu faa valé tɛrɛlawinu faa lé fɛblele nya; mi do kpen ’ka dan wo bin lɛ lo.

1 Samuɛl 17:44

é léé: ’I da an va, yé maa dan i wi nɔ lɛ lagi mianénu valé bwi gi winu lɛ.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.