Jérémi 34:17 - Kazambale lé Sebe Sauunu 1979

¹⁷ Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 34:17 ပူးပေါင်းရင်းမြစ်များ

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Jérémi 15:2

Yé dé wa laa i lee léé: Ko go kyɛɛn? bé zi pa léma: Gakelebale léma: Munu lé wozé ke ga nya, ’wo ga ma; Munu lé wozé ke gwɔun nya, ’wo ga gwɔun ’léé ma; Munu lé wozé ke lɔrɔ nya, ’wo ga lɔrɔ nya ma; Munu lé wozé ke luubale nya, ’wo kɛlɛ luu nya ma.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 29:17

Ka ye, gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia yé munu ’ko é dan kɛlɛ lɛ é naané bélé bɔrɔyiliporonu lé wa naané é baba yé mi ’ka bɔa wo blele lɛ lo, wo zo.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 32:25

Naa, Mizan Gakelebale, duowo, bé fe an lɛ léé, ’an féi do lɔ gɔɔli nya, an wenayezannu dɔ, ’té Kaldé munu fla si.

Jérémi 32:36

Yé sin, Gakelebale, Izraɛl munu lé Bale léma: Fla lé bé mawe fe kɔɔn léé, wo dan a pa lɛ Babilɔn nwiinzan blɛn lee, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ,

Jérémi 34:8

Minwiinzan blɛn Sédésias dére pale Jérusalɛm munu va do zuo, Gakelebale we fe Jérémi lɛ. Dére lé wa pa do, yee lé ke léé, ’wa zana dɔɔ léé, munu faa ’é vo wobo ma.

Jérémi 38:2

Gakelebale léma: Mian é vo fla ’ko ta, é dan ga lɛ, dé gwɔun léé, dé lɔrɔ léé, dé bawurumagyɛ léé, a nya; naa, mian é dan si lɛ ana yé é go Kaldé munu va, é dan so lɛ we lee, é dan vo lɛ é yuɛma, é dan béli lɛ.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Daniɛl 6:24

Minwiinzan blɛn léé, munu lé wo we dɔ Daniɛl nwiin, ’wo da wo nya yé ’wo wo vuli golizra guru gi; wo koo, wolé nénu koo, wo nanu koo, woo lé. Dé wo ’ka tan dia lɛ guru wɔlɛ ma lo, golizranu wo kun, yé ’bɛnu wo wɔlɛnu faa ’wii.

Matio 7:2

Bɛan zo lé i mi bɛ ma we blé, a bɛ duo gi lé wo dan i ma we ble lɛ. I fɛ no mi lɛ fɛan zo, a zo lé wo dan izé nɔ lɛ.

Galasi munu 6:7

Té ka kabo saan we ’ko gi lo; wo ’ka bɔa dabli kɛlɛle lɛ Kazambale lɛ lo. Mi éé fɛan vɔa, yee duo lé é dan a gyɛ lɛ é ziin.

Bélidɔwesɛbɛ Fiézan 19:19

dé é dɔ a gi léé, é dan a kɛlɛ lɛ é bwe lɛ kɔɔn fɛan zo, é a lé ’ka kɛlɛ a lɛ a zo. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.