Jérémi 34:16 - Kazambale lé Sebe Sauunu 1979

¹⁶ Naa, ka dére nɔla sin yé ka an tɔ sɛrɛ; yé luugɔnénu valé luudanénu lé ka zi nɔ wo lɛ yé ka wo vo wobo ma bɛ, ka wo si é ziin, yé ka wo kɛlɛ luunu valé ka wuozannu nya wo pa gi gla nya.

Jérémi 34:16 ပူးပေါင်းရင်းမြစ်များ

Fwile 20:7

Té i Gakelebale, ilé Bale, tɔ fe é pla lo; mi lé é Gakelebale tɔ fe é pla, Gakelebale é dan ’é lɛdɔ lɛ ’bɛzan gi.

Jérémi 34:11

Naa, ’bɛ zuo wo bli nɔla; luugɔnénu valé luudanénu lé wo daan wo ma bɛ, wo wo kɛlɛ luunu valé wo wuozannu nya wo pa gi, gla nya.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Ézékiɛl 18:24

Dé mi tegele é yara si élé we tegele kɛlɛle ta ’té éé weple kɛla, dé é mi nyané lé bozowenu zuosona ’naan, é dan vo lɛ é yuɛmaa? Alé we tegele kɛlɛle sele é dan saan lɛ an gi, naa, é ébo nɔ weple valé wenyané kɛlɛle lɛ, amalé é dan ga lɛ.

Ézékiɛl 20:39

Mizan Gakelebale léma: Yé ’kaa Izraɛlnu, ka faa do do ’é go kalé miyilinu ban. Naa, ’bɛ zuo ka dan ka tɔné dɔ lɛ an lɛ, yé ka ’ka dan an tɔ sauun sɛrɛ lɛ kalé blɛfɛnu valé kalé miyilinu nya é dɛrɛ lo.

Ézékiɛl 3:20

Dé mi tegele do si élé we tegele kɛlɛle zuo yé é wenaané kɛlɛ, maa dan san pla lɛ a ’lɛ, yé é dan ga lɛ; i ’ka we lɛ kini lɛ a lɛ lo, amalé é dan ga lɛ élé wenyané nya é lee. Alé we tegele lé é a kɛlɛ, wo ’ka dan ’bɛ fe lɛ é dɛrɛ lo, yé maa dan a gawe dɔ lɛ i nwiin.

Ézékiɛl 39:7

Maa dan an tɔ sauun nagɔɔn lɛ anlé munu Izraɛl lɛ, yé maa ’ka dan a nyi si lɛ léé, wo an tɔ sauun sɛrɛ é dɛrɛ lo, yé bɛnnu é dan a gi dɔɔ lɛ léé, maa lé ke Gakelebale nya, Izraɛl lé Mi Sauun nya.

Lévinu 19:12

Té ka bale ’nyɔɔn an tɔ nya vié nya lo, naa, dé bé kɛlɛ, ’té ilé Bale tɔ kɛlɛ fɛ pla nya. Maa a Gakelebale nya.

Malasi 1:12

Naa, ’kaa, ka an tɔ sɛra a fele nya léé: Gakelebale lé tablé a é naané, yé atafɛ a serelebomafɛ nya.

Malasi 1:7

Ka an ban fɛ naané nya, yé ka léé, ’wo i sɔnné sɛrɛ kaa? Ka fé léé: Gakelebale lé tablé a serelebomafɛ nya, yee lé.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.