Jérémi 34:14 - Kazambale lé Sebe Sauunu 1979

¹⁴ Lɛɛ sɔrafié giéle zuo, ka faa do do, ka bwe Ébrunu lé wo wobo dan ka lee, ’ka wo vo wobo ma. ’Wo nyanama pa i va lɛɛ suiɛdo, ’bɛ zuo yé bé si ilé kɔn ’léé, yé ’é vo ébo ma. Naa, ka tranu ’ka wo tɔné dɔ lɛ an dére lɛ lo, wo ’ka an ban lɛ wo tɔné nya lilo.

Jérémi 34:14 ပူးပေါင်းရင်းမြစ်များ

1 Minwiinzannu 21:25

We lé ke é naané Gakelebale yuɛ gi, mi lé ébo nɔ ’bɛ kɛlɛle lɛ bélé Akab zo, ’bɛzan ’ka lo, ’té a na Jézabɛl a nyunuan.

1 Minwiinzannu 9:22

Naa, Salomɔn ’ka Izraɛl lé nénu kɛlɛ lɛ luu nya lo; naa, wa sunyanu koo, a wuozannu koo, munu nwiinzannu koo, sunyanu nwiinzannu koo, alé goronu valé alé wisoota sunyanu nwiinzannu koo, wo nya.

2 Minwiinmunu lé Wezuofe Sɛbɛ 28:10

Yé é dɔ sin ka gi léé, ka Jérusalɛm munu valé Juda munu kɛlɛ kalé luunu nya. Naa, ’kaa, ka ’ka wegyɛzannu nya Gakelebale kalé Bale yuɛ gi loo?

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Jérémi 11:7

Naa, maa we ’ko lɛ kini ka tranu lɛ, yian nya lé maa wo si Éjipiti tɛrɛ la, a yi nya fɔɔ yi ’ko nya; maa vo we plana wo lɛ bladi yifaama, a fele nya wo lɛ léé: ’Ka tɔné dɔ an dére lɛ.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Ézékiɛl 20:4

Blami be, é sɔ i lɛ léé, i wolé we blee? Iin? É sɔ i lɛ léé, i wolé we blee? ’I wo tinu lé bozowenu nagɔɔn wo lɛ.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

Lévinu 25:10

A lɛɛ yɔ fié wɔlɛ vuzan ’é kɛlɛ kalé lɛɛ nyané nya; ka dan vole éboma ’ko zana dɔɔ lɛ kalé tɛrɛ la munu faa lɛ; é a kalé lɛɛ nyané nya; ka faa do do é dan nɔla lɛ kalé fɛna; yé ka faa do do é dan nɔla lɛ kalé munu va.

Amɔs 2:6

Gakelebale léma: Izraɛlnu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo mi tegele dan gɔɔli va, yé wo nyanégyɛzan dan sawala ba fié va.

Amɔs 8:6

’bɛ zo lé ko dan nyanaizénlazannu lɔ lɛ gɔɔli nya, yé ko dan nyanégyɛzannu lɔ lɛ sawala ba fié nya, yé ko dan ’sanyénénu dan lɛ.

Rom munu 7:24

Nyanaizénlazan nya lé an ke! De ɛ dan an si lɛ gakɔlɛ ’ko lee?

Bélidɔwesɛbɛ Fiézan 15:1

Lɛɛ suiɛdo a sɔrafiézan nya, ka dan mivoébomawe kɛlɛ lɛ.

Bélidɔwesɛbɛ Fiézan 15:12

Dé i bwe Ébru mi do ébo dɔ i lee, dé gɔné léé, dé le léé, é dan ilé nyanama pa lɛ lɛɛ suiɛdo; naa, lɛɛ sɔrafiézan nya, i dan a vo lɛ éboma.

Bélidɔwesɛbɛ Fiézan 15:9

’I yuɛ pa ibozen va, té i gi kɛlɛ nyané yé bé fe i bli gi léé, lɛɛ sɔrafiézan, mivoéboma lɛɛ bɔ é pu, lo. ’I yuɛ pa ibozen va, té i kɛlɛ gi pɔnpɔnzan nya i bwe nyanégyɛzan ma yé i fɛ nyané kɛlɛ a lɛ lo. É dan siaa lɛ Gakelebale lɛ i tɔ nya, yé i dan wenyané kɔné dɔ lɛ ibo nwiin.