Jérémi 33:9 - Kazambale lé Sebe Sauunu 1979

⁹ Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 33:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:29

Tɛrɛ bɛ la munu faa a ’ma aan wo léé, Gakelebale guli dan Izraɛl nyanézannu va, Gakelebale lee kana zén wo gi.

Néémi 6:16

Ko nyanézannu faa we ’ko ’ma aan wo, bɛnnu faa lé ke ko zi, kana zén wo gi, yé wo fuu faa si wo ta. Wa ye léé, ko nyanama ’ko pale lɛ sɔɔ kolé Bale lé blibɔmale nya.

Esitɛɛ 8:17

Tɛrɛ faa valé fla faa lé minwiinzan blɛn dére valé alé bélidɔwe bɔ wona, ginanale koo, ginanale blɛn koo, fɛti sɛné valé a blɛnnu koo, woo saa ɛ ke ana Juifinu zé nya. Juifinu lee kanale zén tɛrɛ ’ko la munu kiɛre gi, amalé wo wobozen kinin Juifinu nya.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 40:3

É an gana zamagawo guru gi, Voli wɔlɛ ma; Yé é an dɔ gɔlɛ ta, Yé é anlé tawole dɔ plɛplɛ

Ézai 43:21

Munu lé maa wo tin anzé nya, Wo dan an tɔ ma gyɛ lɛ.

Ézai 55:13

Siprɛyili é dan bɔra lɛ léliyili pa gi, Yé miiteyili é dan bɔra lɛ danan pa gi; ’Bɛ é dan kɛlɛ lɛ Gakelebale tɔbɔwe nya, É dan kɛlɛ lɛ weseledɔmigi fɛ lé a glɛ ’ka lo, ’té é ’ka sɛra lo, a nya.

Ézai 60:5

Dé wɛyi va fuafɛnu da i vazia, Dé bɛnnu lé fɛwezannu da i va, I gi é dan nana lɛ a ma, I zuru é dan vɔ lɛ yé i bli é dan fan lɛ ginanale nya.

Ézai 62:1

Siɔn sɔle an lɛ lé we ma léé, an ’ka dan tadɔ lɛ lo; Jérusalɛm sɔle an lɛ lé we ma léé, an ’ka dan flin lɛ pelo, Fɔɔ yé munu faa a silewegi ye bélé tukinile zo, Fɔɔ yé munu faa a vole éboma ye bélé sona bile zo.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Ézai 62:7

’Ka vo Bale ma kyɛdɔna, Fɔɔ ’té é Jérusalɛm dɔ é wo é pa gi Yé a tɔ é bɔ tɛrɛ faa la.

Ézai 64:2

Gyɛzorowenu lé ko ’ka wo lɛbɛnna lo, dé i wo kɛlɛ, dé i zun, gɔnu ma nyɔɔn i ’lɛ.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 29:1

Munu faa lé Nébukanɛsaa wo si Jérusalɛm yé é go wo nya luu gi Babilɔn, balelayezan Jérémi lɛtrɛ do gyɛ Jérusalɛm yé é a pa wo lɛ zia; mi segelenu koo, Balebanzannu koo, mi bɛnu koo, woo lé.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 31:14

Maa dan Balebanzannu kan lɛ balebanfɛ nyɔnɔ nya, Yé anlé munu é dan kan lɛ anlé fɛ zinnu nya. Maa Gakelebale ɛ ke a fena.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 32:42

Naa, Gakelebale léma: Fɛan zo lé an kleblele blɛn dia munu ’ko ta, a zo duo lé, wezinnu lé maa wo ma blivolɛ dére fe wo lɛ, maa dan wo kɛlɛ lɛ wo lɛ.

Jérémi 33:14

Gakelebale léma: Ka ye, a yinu é dan bɔ lɛ yé dére zinnu lé maa a fe Izraɛl munu valé Judamunu ma, maa dan wo lɛ sɔɔ lɛ.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 49:25

Éé! fla tɔbɔle lé éé an gi nanama, mi ’ka a ta é dɛrɛ loo?

Ézékiɛl 26:20

maa dan i vuli lɛ, munu lé woo zunwo guru blɛn wɔlɛ ma yɛrɛgimunu vazia, wo va. Maa dan i pla lɛ tɛrɛwɔlɛ ma, fɛana lé mi éé voo é do lɛɛfaama a glɛ ’ka lo, ana, munu lé wo zun guru wɔlɛ ma, wo sɔnɔ, té munu ’é nyana i ta é dɛrɛ lo we gi. Yé maa dan tɔbɔle ta dɔ lɛ mi yuɛmalenu lé tɛrɛ zé nya.

Ézékiɛl 36:35

’té wa fé léé, tɛrɛ sɛrɛle ’ko, é nɔla bélé Édɛn zianféi zo. Yé fla ’konu lé wa guru zana a gi, ’té wo vo bwi nya, wo fla pa ana yé munu éé nyanaan ana.

Ézékiɛl 39:13

Tɛrɛ ’ko la munu faa é dan wo galenu pa lɛ, yé é dan kɛlɛ lɛ wo tɔbɔwe nya, yian nya lé wo dan an tɔ bɔ lɛ, ’bɛ yi nya. A zo lé Mizan Gakelebale a fe.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.

Zakari 12:2

Maa dan Jérusalɛm kɛlɛ lɛ a zi migɔnɔnu lɛ bélé nwɛ lé é wo gyɛ, a zo, yé Juda zé é dan kɛlɛ lɛ tɔntɔn é ziin, Jérusalɛm mabɛn bléyi va.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.