Jérémi 33:7 - Kazambale lé Sebe Sauunu 1979

⁷ Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 33:7 ပူးပေါင်းရင်းမြစ်များ

Lɛrɛvɔ Sɛbɛ 126:1

Gɔ gié lɛrɛ do lé. Bléyian va lé Gakelebale da é ziin Siɔn munu lé, wo go wo nya luu gi, wo nya, ’Té é a ko gi nyɛgyɛle zo.

Lɛrɛvɔ Sɛbɛ 126:4

Gakelebale, kolé munu lé ke luu gi, ’i da wo nya é ziin, Bélé doonénu lé woo soo lɛɛdabléyi va yirinwana bɛyilazia, wo zo.

Lɛrɛvɔ Sɛbɛ 14:7

Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.

Lɛrɛvɔ Sɛbɛ 85:1

Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛ lé.

Ézai 1:26

Maa dan ilé weblezannu dɔ lɛ bélé é vinin zé zo, yé maa dan ilé weplamilɛzannu dɔ lɛ bélé é vinin zé zo. Wo dan i laa lɛ é ziin, yarapawelafla.

Ézai 52:8

Kalé fla taginizannu dére zuogi é dan we lɛ; Wo dére é dan nwa lɛ, Yé wo dan siaa lɛ ékeva ginanale nya; Naa, wo dan a ye lɛ wobo yuɛ nya léé, Gakelebale a dana Siɔn munu nya wo pa gi, azama.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:20

Wo benu é dan kɛlɛ lɛ bélé é vinin zo, Wo dan zén lɛ ékeva yifaama an ’lɛ, Munu lé woo yaan wo ta, maa dan we lɛdɔ lɛ ’bɛnu faa gi.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:28

Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Jérémi 31:38

Gakelebale léé: Ka ye, a yinu é dan bɔ lɛ yé wo dan fla ’ko pa lɛ é ziin Gakelebale tɔ bɔle we ma, é sia Ananéɛl lé dɔtafɛ ma fɔɔ yé é bɔ flagɔrɔ sun ’léé ma.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 32:44

Wo dan féinu lɔ lɛ gɔɔli nya, wo dan woo féilɔsɛbɛnu gyɛ lɛ, wo dan tɔmasenu dɔra lɛ wo ta tanpɔn nya; wo dan anayemunu dɔ lɛ, Bɛnjamɛn tɛrɛ valé Jérusalɛm zi flanu koo, Juda tɛrɛ la flanu koo, gɔ ma flanu koo, fɛna pɛblɛɛ flanu koo, yirinwana bɛyilazia flanu koo, wona. Naa, maa dan da lɛ woo luugimunu nya wo pa gi. Maa Gakelebale ɛ ke a fena.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Jérémi 50:4

Gakelebale léma: ’Bɛ yi ’ko la, ’bɛ bléyi ’ko va, Izraɛl munu valé Juda munu é dan da lɛ é ziin ékeva; wo dan tawo lɛ wuvɔle nya; wo dan Gakelebale, wolé Bale nagini lɛ.

Jérémi Lé Wuvɔ Sɛbɛ 4:22

Siɔn munu, wo kalé weple ’yibo; É ’ka dan go lɛ ka nya luu gi é dɛrɛ lo. Édom munu, é dan we lɛdɔ lɛ ka gi kalé weplenu ma, É dan kalé wenyanénu bɔra lɛ gɔrɔ la.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

OZÉ (Osée) 2:15

Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.