Jérémi 33:6 - Kazambale lé Sebe Sauunu 1979

⁶ Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi 33:6 ပူးပေါင်းရင်းမြစ်များ

Lɛrɛvɔ Sɛbɛ 147:3

Munu lé wo bli kyɛ dɔ é baba, éé fu vɔa wo bli ma, Yé éé wo tuonanu paan.

Lɛrɛvɔ Sɛbɛ 37:11

Tɛrɛ éé voo nyanaizénlazannu zé nya, ’Té woo vole drɔɔ boen yé.

Lɛrɛvɔ Sɛbɛ 67:2

Bale nyanai ’é zén ko ta yé ’é ko drɔɔ vo ma, A yara ’é bi ko ta ma. Ka ye do.

Lɛrɛvɔ Sɛbɛ 72:7

’Bɛzan zé yinu ta, mi tegelenu vwi é dan bi lɛ, Yé vole drɔɔ é dan kɛlɛ lɛ blɛn fɔɔ ’té moné ’ka ana é dɛrɛ lo.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Bale Lé We Gifezan 3:3

fɛ gyɛbléyi a, yé fɛ bélibléyi a; fɛ zanabléyi a, yé fɛ dɔbléyi a;

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 39:8

Ézékia a zi pa Ézai lɛ léé: Gakelebale dére lé bé fe, é a é zima. Yé é lé é ziin léé: Anzé tɛrɛla bléyi va, munu é dan vo lɛ drɔɔ, ’té wo gi a é sanle wobo ma.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 57:18

Maa a kɛlɛwenu ye, yé maa dan a béli lɛ. Maa dan zi gɔɔn lɛ a lɛ; maa dan a tɔrɔ paa lɛ, yee valé munu lé woo wuvɔa wo nya, wo nya.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 58:8

Dé bé kɛlɛ, i san é dan bɔra lɛ bélé tukinile zo, yé i dan béli lɛ é kele. Ilé wetegele é dan tawo lɛ i ’lɛ, yé i dan tawo lɛ Gakelebale lé fuasan nya.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

Misé 4:3

É dan kɛlɛ lɛ munu kiɛre lé weblezan nya, Yé é dan bɛn plɛplɛ baabaanu pa lɛ ékema. Wo dan ’wolé gwɔunnu foli lɛ gwanénu nya, Yé wo dan ’wolé dinnu foli lɛ kɔblanénu nya. Bɛn ’ka dan élé gwɔun soi lɛ é bɔlu bɛn ma é dɛrɛ lo, Yé wo ’ka dan gulidanle draan lɛ é dɛrɛ lo.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

WENÉNÉ LE JAN A GYE (Évangile selon Jean) 10:10

Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

Éfez munu 6:23

Tibale valé Mizan Jézu Krist, ’wo sɔlɛle valé blipale nɔ bwenu lɛ ma, yé ’wo wo vo drɔɔ ma.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.