Jérémi 33:5 - Kazambale lé Sebe Sauunu 1979

⁵ Dé wo bié gulidanle Kaldémunu va we ma, yee kɔnnu é dan fan lɛ munu lé maa dan wo gyɛ lɛ anlé bliflile valé an wɛwɛ nya, wo galenu nya, munuan maa dan an yara yɔɔ lɛ wo ma, wolé wenyanénu lé we ma, woo lé.

Jérémi 33:5 ပူးပေါင်းရင်းမြစ်များ

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Jérémi 18:17

Maa dan wo fwila lɛ wo nyanézannu ’lɛ bélé yirinwana fu a kɛla fɛan zo, a zo; Wolé klebleyi nya, maa dan an nwun zi dɔ lɛ wo ta, maa ’ka dan wo nagini lɛ lo.

Jérémi 21:10

Naa, Gakelebale léé: Maa an yuɛ vɔa fla ’ko ta wenaané kɛlɛle a lɛ we ma; wezin kaan lo. Maa dan a nɔ lɛ Babilɔn nwiinzan blɛn lɛ, yé é dan a kyɛ ble lɛ.

Jérémi 32:5

Babilɔn nwiinzan blɛn é dan go lɛ Sédésias nya Babilɔn, yé é dan vo lɛ ’bɛna fɔɔ yé a sele é dɔ an gi. Maa Gakelebale ɛ ke a fena. Dé ka guli dan Kaldé munu va, é ’ka dan nana lɛ ka lee lo. Mɛmalé i balelawe fe ’bɛ zoo?

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Ézékiɛl 39:29

yé maa ’ka dan an yara yɔɔ lɛ wo ma é dɛrɛ lo. Naa, maa dan an léli zén lɛ Izraɛl munu ta. A zo lé Mizan Gakelebale a fe.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?

Bélidɔwesɛbɛ Fiézan 31:18

Maa dan an yara si lɛ wo ta ’bɛ yi ’ko la, wenyané faa lé wa kɛlɛ gole nya bale bɛnu zuo, a we ma.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.