Jérémi 33:24 - Kazambale lé Sebe Sauunu 1979

²⁴ We lé munu ’ko ke a fena, i ’ka a gi dɔɔa loo? Wo léé: Migɔnɔ fié lé Gakelebale wo si a va, é sɔn vɔ wo ma. ’Bɛ zo lé wo ke serele bona anlé munu ma, fɔɔ ’té wo ’ka wo yé é dɛrɛ bɛngɔnɔ do nya lo.

Jérémi 33:24 ပူးပေါင်းရင်းမြစ်များ

Lɛrɛvɔ Sɛbɛ 71:11

’Té wa fé léé: Bale sɔn vɔ a ma; Kaa a zuo bin ma, kaa a kun, a ta weblezan do kpen ’ka lo.

Lɛrɛvɔ Sɛbɛ 83:4

Woo wɔraan do ilé munu ma, wo tablele saa lé we ma, Yé munu lé i wo takuun‐an, woo gi paan do wo ma.

Lɛrɛvɔ Sɛbɛ 83:5

Wo léé: ’Ka da, kaa wo kulu ga bɛnnu méléna, Yé té Izraɛl tɔ sele é dɔ mi gi é dɛrɛ lo.

Lɛrɛvɔ Sɛbɛ 94:14

Naa, Gakelebale ’ka daan élé munu ma lo, É ’ka sɔn vɔa élé munu ma lo;

Ézai 11:13

Éfraim munu ’ka dan maawo lɛ é dɛrɛ lo; wo nyané lé ke Juda munu gi, ’bɛ yi é dan ga lɛ. Éfraim munu ’ka dan maawo lɛ Juda munu va é dɛrɛ lo. Juda munu ’ka dan bla gié lɛ ’wo péli ma yé wa pla Éfraim munu nwiin é dɛrɛ lo.

Ézai 7:17

Wenu lé Gakelebale é dan a kɛlɛ lɛ bii koo, ilé munu valé i ti kulunu koo, ka lɛ, é sia yian nya lé Éfraim valé Juda kini ékema fɔɔ kyɔ, wo ’ka ’bɛ zo wenu ye lɛ lo. É dan da lɛ Asirinu nwiinzan nya.

Jérémi 3:7

Yé maa léé: We ’konu faa kɛlɛle zuo, Izraɛl é dan da lɛ an va. Naa, é ’ka da lɛ lo. Yé a buru Juda lé ke gilawe kɛlɛzan nya, é ana ye.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 31:36

É léma: Dé é kɛlɛ léé, bélidɔwenu ’ko nyaa an ’lɛ, ’Té Izraɛl kɛlɛle bɛngɔnɔ do nya é dan nyaa lɛ an ’lɛ yifaama zé nya.

Jérémi 31:37

Gakelebale léma: Dé wo bɔalɛ léé, wo lanu dan, Dé wo bɔalɛ léé, wo tɛrɛ gane vɔnanu dan, ’Té maa dan sɔn vɔ lɛ Izraɛl bɛn faa ma, We faa lé wa kɛlɛ, a we ma. Maa Gakelebale ɛ ke a fena.

Jérémi 33:23

Gakelebale lé Jérémi lɛ léma:

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 51:5

Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi Lé Wuvɔ Sɛbɛ 4:15

Wo siaa wo ta léé: Ka lé ka tiri ke, ’ka si ana baa! ’Ka si ana baa, ’ka gyɛ ka zuo baa, té ka mane ko ma lo. Wo fwi, wo vo nɔɔna ’ko valé ’ko. Wa fé bɛnnu méléna léé: Wo nyanana ’ka é dɛrɛ lo.

Ézékiɛl 25:3

Bé fe Amɔnnu lɛ léma: ’Ka tɔné dɔ Mizan Gakelebale dére lɛ. Mizan Gakelebale léma: Naa, anlé fɛna sauun lé wa sɔnné sɛrɛ koo, Izraɛl tɛrɛ lé wo ’wii a ta bɛ, ’bɛ koo, Juda munu lé wo ke gona luu gi, wo koo, i we nana wo ma, ’té i wé: Aa! Aa!

Ézékiɛl 26:2

Blami be, Tii munu we nana Jérusalɛm munu ma, ’té wo wé: Aa! Aa! Fla lé ke munu faa gona nya, wa ’wiioo, wa ’wii! Sin, wo dan ’wo yara nɔla lɛ ko vazia; kolé fla é dan fan lɛ fɛ zinnu nya, ’té Jérusalɛm a é ’bin nya.

Ézékiɛl 36:2

Mizan Gakelebale léma: Naa, ka nyanézannu a fe ka ma léé: Aa! Aa! Fɛna nwalenu lé wo ke ana lɛɛfaama bɛ, wo kɛlɛ ’wozé nya.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

Ézékiɛl 37:11

É lé an lɛ léma: Blami be, mi wɔlɛ ’konu a Izraɛl munu faa nya. Bé ye, wo léé, ’wo wɔlɛnu a é gale, ’wo bli ’ka we lɛ é dɛrɛ lo, ’wa é sanle.

Ézékiɛl 37:22

Maa dan wo kɛlɛ lɛ bɛn do kpen nya tɛrɛ ’ko la, Izraɛl gɔnu ma. Wo faa nwiinzan blɛn é dan kɛlɛ lɛ do. Wo ’ka dan kɛlɛ lɛ bɛn fié nya é dɛrɛ lo. Wo ’ka dan kini lɛ ékema yé wo kɛlɛ bɛntɛrɛ fié nya é dɛrɛ lo.