Jérémi 33:22 - Kazambale lé Sebe Sauunu 1979

²² Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Jérémi 33:22 ပူးပေါင်းရင်းမြစ်များ

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Lɛrɛvɔ Sɛbɛ 22:30

Tɛrɛlami blɛnnu faa é dan fɛ ble lɛ yé wo dan dia lɛ é ziin i ’lɛ; Munu faa lé woo zunwo vun va, wo dan wo ’wuo tua lɛ i ’lɛ, Munu lé wo ’ka bɔa vole lɛ é yuɛma lo, woo lé.

Lɛrɛvɔ Sɛbɛ 89:29

Maa dan anlé zin tadɔ lɛ azé nya yifaama, Yé anlé gipawe é dan vo lɛ é dɔbɛ gi yifaama.

Ézai 48:19

’Té i kulunu a bélé nyéné zo di, ’Té ilé nénu a bélé wɛyi gɔɔn ma nyéné zo; ’Té maa ’ka i tɔ fwian lo, ’té i tɔ ’ka nyaan an ’lɛ lo.

Ézai 66:21

Yé Gakelebale léé: Maa dan wo va mi kenu si lɛ Balebanzannu valé Lévinu nya.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 31:37

Gakelebale léma: Dé wo bɔalɛ léé, wo lanu dan, Dé wo bɔalɛ léé, wo tɛrɛ gane vɔnanu dan, ’Té maa dan sɔn vɔ lɛ Izraɛl bɛn faa ma, We faa lé wa kɛlɛ, a we ma. Maa Gakelebale ɛ ke a fena.

Jérémi 33:18

Balebanmunu lé ke Lévinu nya, wo kululazannu lé woo Bale baan, wo ’ka dan vuru lɛ a ma lo; wo dan Bale ban lɛ wi lé wa kyɛ blé, a nya; wo dan lasikɔrɔpo kyɛ ble lɛ, é valé blɛfɛnu nya, yé wo dan saraka bo lɛ yifaama, wo ’ka dan a kɛlɛle yi ga lɛ lo.

Jérémi 33:23

Gakelebale lé Jérémi lɛ léma:

Ézékiɛl 37:10

Yé maa balelawe fe, dére lé é a fe an lɛ, a yɛrama. Yé léli wɔra wo gi, yé wo kɛlɛ é yuɛma é ziin, yé wo dɔ wo ganenu ta. ’Té wa sunya palu blɛn nya, wa kiɛre kiɛre.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Zakari 10:8

Maa wo tabo, amalé maa dan ’furu fɛn lɛ wo lɛ yé maa wo zén ékeva, Yé wo dan fan lɛ bélé é vinin zo.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

Ébrunu 11:12

Bɛwemalé, mi do kpen lé a kɔlɛ kɛlɛ é kwakwa é pia nya, a kulu kɛlɛ kiɛre, bélé monénénu zo di, bélé wɛyigɔɔnma nyéné lé wo ’ka bɔa a nɔnɔle lɛ lo, a zo di.