Jérémi 33:18 - Kazambale lé Sebe Sauunu 1979

¹⁸ Balebanmunu lé ke Lévinu nya, wo kululazannu lé woo Bale baan, wo ’ka dan vuru lɛ a ma lo; wo dan Bale ban lɛ wi lé wa kyɛ blé, a nya; wo dan lasikɔrɔpo kyɛ ble lɛ, é valé blɛfɛnu nya, yé wo dan saraka bo lɛ yifaama, wo ’ka dan a kɛlɛle yi ga lɛ lo.

Jérémi 33:18 ပူးပေါင်းရင်းမြစ်များ

Ezidras 3:5

’Bɛ zuo, balebanwi lé wa kyɛ blé, ’té a nɔle ’ka nyaan lo, wo ’bɛ nɔ, yé balebanwi lé wa kyɛ blé moné dɛrɛ bɔrale nya, wo ’bɛ nɔ; yé fɛnu faa lé woo Bale baan wo nya fɛti faa la, yee valé blɛ drɔɔ lé wa kɛla Gakelebale lɛ, wo ’bɛ nɔ.

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 61:6

Naa, ’kaa, wo dan ka laa lɛ Gakelebale banzannu, Wo dan tɔ pa lɛ ka ma léé, kolé Bale wuozannu; Ka dan bɛnnu lé fuafɛnu ble lɛ, Yé ka dan kabo tɔ bɔ lɛ wo tɔbɔfɛnu gi.

Jérémi 33:19

Gakelebale we fe Jérémi lɛ yé é léma:

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Jérémi 35:19

amalé lai sunyanu lé Gakelebale, Izraɛl munu lé Bale léma: Rékab be Jonadab kulu ’ka dan vuru lɛ dɔle ma an ’lɛ lo.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Ézékiɛl 45:5

Lévinu lé wo ke kɔn gi nyanamapazannu nya, wozé nyanana sangi ’é kɛlɛ yee fɛdanmayili baa vu ta fié wuru soru, yé a ’wuola ’é kɛlɛ yili baa soru. Alé kɔnnu a yɔ do.

Mi Nɔnɔle 3:5

Gakelebale we fe Moizi lɛ yé é léé:

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Bélidɔwesɛbɛ Fiézan 18:1

Balebanzannu, Lévinu, Lévi bɛn gi munu faa, wozé fɛ ’ka dan kɛlɛ lɛ Izraɛl munu zé va lo, yé wo ’ka dan ’wozé tɔnɔ ye lɛ wo va lo; Gakelebale banfɛ lé wa kyɛ blé Gakelebale tɔbɔfɛ nya, ’té é ke Gakelebale lé tɔnɔ nya bɛ, wozé fɛblele éé sié ’bɛ va.

Bélidɔwesɛbɛ Fiézan 24:8

’Ka yuɛ pa kabozen va pantɛngyɛ lé we ma; we faa lé Balebanmunu, Lévinu a paa ka gi alé we ma, ’ka a ta tawo; we faa lé maa a fe wolé we ma, ’ka we kɛlɛ a yɛrama é zima.

Jozué 3:3

yé wo lé munu lɛ léma: Bléyian va lé ka dan Gakelebale, kazé Bale lé gipawe pagikɛsu ye lɛ Balebanmunu, Lévinu bɛapa ta, ’ka nwa yé ’ka zi sia a zuo.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.